ۇلتتىق بانك دوللار باعامىنىڭ وسۋىنە قاتىستى مالىمدەمە جاسادى، دەپ حابارلايدى "ادىرنا" ۇلتتىق پورتالى.
ۇلتتىق بانك مالىمەتىنشە، بىرقاتار فاكتور اسەرىنەن تەڭگەنىڭ ايىرباس باعامى اقش دوللارىنا شاققاندا 500 تەڭگەدەن اسقان.
"قازىر بيرجاداعى ساۋدا-ساتتىق 1 اقش دوللارى ءۇشىن 518-519 تەڭگە ارالىعىندا ءوتىپ جاتىر. كەشەگى كۇننەن باستاپ 2,4 پايىزعا السىرەگەندىكتەن، 28 قاراشاداعى تەڭگەنىڭ ورتاشا سارالانعان باعامى - اقش دوللارى ءۇشىن 512,58 تەڭگە", - دەپ جازىلعان بانك حابارلاماسىندا.
ۇلتتىق بانك سىرتقى جانە ىشكى فاكتورلار ۆاليۋتا باعامىنا تەرىس اسەر ەتەتىنىن ايتىپ، مالىمدەمە جاسادى.
"اقش دوللارىنىڭ جاھاندىق نىعايۋى، شيكىزات قۇنىنىڭ وزگەرۋى جانە الەمدەگى گەوساياسي جاعدايدىڭ شيەلەنىسۋى سياقتى بىرقاتار سىرتقى فاكتور وزگەرۋى اياسىندا دامۋشى نارىقتارداعى ۆاليۋتالاردىڭ تەرىس ديناميكاسى بارلىق جەردە بايقالادى. نەگىزگى الەمدىك ۆاليۋتالارعا قاتىستى اقش دوللارىنىڭ باعامىن باقىلايتىن DXY يندەكسى اي باسىنان شامامەن 2,2 پايىزعا نىعايىپ، 106,2 پۋنكتكە دەيىن ءوستى (28 قاراشادا). ەم ۆاليۋتالارىنىڭ يندەكسى اي باسىنان 3,0 پايىزعا تومەندەدى (28 قاراشا بويىنشا)", - دەپ جازىلعان حابارلامادا.
