قازاقستان ۇكىمەتىنىڭ وتىرىسىندا "قايتارىلعان اكتيۆتەردى باسقارۋ كومپانياسى" جشس قۇرۋ ماسەلەلەرى قاراستىرىلدى. 2023 جىل، 21 قىركۇيەكتەگى قاۋلىعا سايكەس، قايتارىلعان اكتيۆتەردى باسقاراتىن كومپانيا قۇرىلاتىن بولدى، دەپ حابارلايدى "ادىرنا" ۇلتتىق پورتالى.
"زاڭسىز يەمدەنىلگەن اكتيۆتەردى مەملەكەتكە قايتارۋ تۋرالى" قازاقستان رەسپۋبليكاسىنىڭ زاڭىندا جانە قازاقستان رەسپۋبليكاسىنىڭ باسقا دا زاڭدارىندا بەلگىلەنگەن تارتىپپەن قايتارىلعان اكتيۆتەردى باسقارۋ، ساقتالۋىن قامتاماسىز ەتۋ، وتكىزۋ سەرىكتەستىك قىزمەتىنىڭ نەگىزگى نىسانالارى بولىپ ايقىندالدى.
قۇجاتتا:
جارعىلىق كاپيتالىنا مەملەكەت ءجۇز پايىز قاتىساتىن "قايتارىلعان اكتيۆتەردى باسقارۋ كومپانياسى", – جاۋاپكەرشىلىگى شەكتەۋلى سەرىكتەستىگى قۇرىلسىن، دەلىنگەن.
قازاقستان رەسپۋبليكاسى قارجى مينيسترلىگىنىڭ مەملەكەتتىك مۇلىك جانە جەكەشەلەندىرۋ كوميتەتى قازاقستان رەسپۋبليكاسىنىڭ زاڭناماسىندا بەلگىلەنگەن تارتىپپەن:
- سەرىكتەستىك جارعىسىن بەكىتۋدى;
- مەملەكەتتىك تىركەۋ ءۇشىن سەرىكتەستىك اتىنان قۇجاتتارعا قول قويۋعا، سەرىكتەستىك ورگاندارى قۇرىلعانعا دەيىن قارجىلىق-شارۋاشىلىق قىزمەتتى جۇزەگە اسىرۋعا جانە ءۇشىنشى تۇلعالار الدىندا ونىڭ مۇددەلەرىن بىلدىرۋگە ۋاكىلەتتىك بەرىلگەن تۇلعانى سايلاۋدى;
- سەرىكتەستىكتى "ازاماتتارعا ارنالعان ۇكىمەت" مەملەكەتتىك كورپوراتسياسىندا مەملەكەتتىك تىركەۋدى قامتاماسىز ەتەدى. اتالمىش قاۋلى قول قويىلعان كۇنىنەن باستاپ كۇشىنە ەنەدى.
"ادىرنا" ۇلتتىق پورتالى
