جۋرناليست مارفۋعا شاپيان يرانداعى قازاقتارمەن تىلدەسىپ، الىستاعى اعايىننىڭ تىنىس-تىرشىلىگى جايلى باياندادى. شەتتەگى قازاقتىڭ ىستىق ىقىلاسى، ىڭكار كوڭىلى كوپشىلىكتىڭ جۇرەگىن ەلجىرەتتى، دەپ حابارلايدى "ادىرنا" ۇلتتىق پورتالى.
جۋرناليست الەۋمەتتىك جەلىدە تەھران قالاسى ماڭىنداعى يران قازاقتارى تۇراتىن، كاسپي تەڭىزىنە جاقىن ورنالاسقان گورگان قالاسىنا بارعانىن جازدى. جات مەكەندە جۇرگەن قازاقتارمەن تىلدەسىپ، ۇلتتىق بولمىسىنان اجىراماعان ايرىقشا قالپىن سۋرەتتەدى.
- يراندا قازاق ايەلدەرىن اق جاۋلىعىنان تانيسىڭ. ءبارىنىڭ جۇزىنەن نۇرى، تىلىنەن العىسى، تىلەگى توگىلىپ تۇر، - دەپ جازدى جۋرناليست.
ورايى كەلگەندە ايتا كەتەيىك، يران قازاقتارىنىڭ سانى ناقتى ايتىلمايدى. ال يران حالقىنىڭ سانى 80 ميلليونعا جەتەعابىل دەپ ەسەپتەلەدى. يران قازاقتارى گۇلستان پروۆينتسياسىنداعى گورگان، ءباندار-تۇركىمەن، گۋنباد-ي كابۋس جانە اققالا قالالارىندا شوعىرلانعان. يراننىڭ گورگان قالاسىندا تۇراتىن قازاق ازاماتى جافار شادكام مۇنداعى قازاقتاردىڭ بەتاشار، قىز ۇزاتۋ، قۇدا كۇتۋ، ورامال تويى سەكىلدى سالتتارىن جوعالتپاي، بەرىك ۇستاناتىنىن ايتقان ەدى.
"ادىرنا" ۇلتتىق پورتالى
