تالدىقورعان قالاسىنداعى نازارباەۆ زياتكەرلىك مەكتەبىندە «زيات» اتتى جاڭا جوبا باستاۋ الدى. ونىڭ اۆتورى 11 - سىنىپ وقۋشىسى جانىبەك كەنجەبەك.
«زيات» تانىمدىق دارىستەر مەن قىزىقتى ادامدارمەن كەزدەسۋلەردى قامتيدى. جوبانىڭ العاشقى قوناعى الاشتانۋشى - عالىم ەلدوس توقتارباي.
زياتكەرلىك مەكتەپ وقۋشىلارى ءۇشىن «الاش قوزعالىسىنىڭ ەليتاسى: تۇلعانى دامىتۋ، زيالى قاۋىم، كوشباسشىلىق» اتتى ءدارىس وقىدى. كەزدەسۋ بارىسىندا ەلدوس توقتارباي ۇلت-ازاتتىق قوزعالىس قايراتكەرلەرىنىڭ باتىرلىعى مەن ەڭبەكتەرى تۋرالى ايتىپ بەردى.
ءوزى اتاپ وتكەندەي، الاشتانۋشىنىڭ باستى ماقساتى - جاس ۇرپاققا XIX جانە حح عاسىرلار توعىسىنداعى ۇلتتىق زيالى قاۋىم وكىلدەرى قوزعالىسىنىڭ ماڭىزدىلىعىن جانە ادىلدىك پەن بوستاندىق ءۇشىن كۇرەسۋشىلەردىڭ ادالدىعى تۋرالى جەتكىزۋ.
سپيكەر رەتىندە مەن جاستارمەن ءجيى كەزدەسەمىن، مەنى ءارتۇرلى ءبىلىم بەرۋ مەكەمەلەرىنە، ەلدىڭ ءارتۇرلى ايماقتارىنا شاقىردى. مەنىڭ مىندەتىم الاش قوزعالىسىنا، ولاردىڭ ءومىرى مەن قىزمەتىنە وسكەلەڭ ۇرپاقتىڭ بويىندا قىزىعۋشىلىقتى ارتتىرۋ، وسى كوشباسشىلاردىڭ مىسالدارىندا جاستارعا ۇلتتىق تاربيە بەرۋ. ولار سياقتى ءبىلىمدى، ۇلتجاندى بولسىن دەيمىن، — دەيدى ەلدوس اعامىز.
مەنىڭ ويىمشا، كەزدەسۋ پاتريوتتىق تاربيە ماسەلەسىندە وتە ماڭىزدى. ءبىز ۇلكەن موتيۆاتسيا الدىق. الاشوردالىقتاردىڭ ءومىرى مەن ەڭبەكتەرى ءبىز ءۇشىن، وسكەلەڭ ۇرپاق ءۇشىن ۇلگى بولۋعا ءتيىس، — دەپ ءبولىستى 11 - سىنىپ وقۋشىسى ەڭلىك باعىباي.
جوبانىڭ اۆتورى جانىبەك كەنجەبەكتىڭ ايتۋىنشا، «زيات» ينتەللەكتۋالدى جانە رۋحاني-ادامگەرشىلىك جاعىنان دامۋعا باعىتتالعان.
