جەلىدە نارتاي ارالبايۇلىنىڭ اقىن مۇحتار شاحانوۆتان العان سۇحباتىنىڭ ءۇزىندىسى تالقىعا ءتۇستى، دەپ جازادى "ادىرنا" ءتىلشىسى. بەينەدە شاحانوۆ جامبىل جاباەۆقا قاتىستى ءوز شىندىعىن ايتتى.
جامبىل جاباەۆقا قاتىستى قاتتى ايتقان پىكىرىڭىزگە وكىنبەيسىز بە دەگەن ءجۋرناليستىڭ سۇراعىنا، شاحانوۆ ەش وكىنبەيتىنىن، بۇل ناعىز شىندىق ەكەنىن مالىمدەدى.
"جامبىلدىڭ تۋعان جەرىندە مەنىمەن كەزدەسۋ بولعان بولاتىن. جامبىلدىڭ نەمەرەلەرىن، شوبەرەلەرىن، شوپشەكتەرىن تانىستىردى. ءبىر كەزدە ءبىر ايەل شىعىپ، "مۇحتار اعا، ءسىز شىنشىل اقىنسىز عوي، ءسىز جامبىلعا قالاي قارايسىز" دەدى. مەن جامبىلعا وتە ۇلكەن قۇرمەتپەن قارايمىن دەدىم. قۇرمەتپەن قارايتىن سەبەبىم، جامبىل ءستاليننىڭ ءتۋفليىن كەرەمەت شەبەرلىكپەن جالاعان، قىرتىس-قىرتىسىنا دەيىن جالاعان دەدىم. سوندىقتان تۋفلي جالاۋ جاعىنان جامبىل ءبىرىنشى ورىن الدى دەدىم. 99 جاسقا كەلگەنىندە تۋفلي جالاۋدان مايتالمان شەبەر ەكەنىن كورسەتتى دەپ ەدىم جامبىلدىڭ ۇرپاقتارى باستارىن تومەن سالىپ وتىرىپ قالدى. سول كەزدە بۇكىل ەل ورنىنان تۇرىپ قول سوقتى. شىندىق بيىگىنەن كورىنىڭىزدەر دەدىم جۇرتقا" دەپ باياندادى اڭگىمەسىن قازاقستان حالىق جازۋشىسى مۇحتار شاحانوۆ.
جەلىدە تاراعان ۆيدەو پىكىرىنە كوپشىلىك شاحانوۆتىڭ ايتقانىنا نارازىلىعىن جازدى. ەندى ءبىرى اقىندى شىندىق جارشىسى دەپ سوزىنە سەنسە، ەندى ءبىرى "مۇحتار اعادان مۇنداي كۇتپەدىك" دەپ وي بولىسۋدە.
