جۋرناليست رۋسلان وتەپباي تاۋەلسىز باعدارلاماسىندا ءجاسوسپىرىم قىزدىڭ تاعدىرىن باياندادى. ونىڭ ايتۋىنشا، فاتيما ەسىمدى قىز 13 جاسىندا وگەي اكەسى تاراپىنان تۇرمىسقا بەرىلگەن، دەپ حابارلايدى "ادىرنا" ۇلتتىق پورتالى.
جۋرناليست جەكە يۋتۋب ارناسىندا وتباسى تۋرالى بەينە جاريالاعان.
"تانىس بولىڭىزدار! بۇل قىزدىڭ ەسىمى- فاتيما. ايتۋىنشا، وگەي اكەسى ونى 13-جاسىندا 30 جاسار جىگىتكە تۇرمىسقا بەرگەن. نەبارى ءۇش سىنىپتىق ءبىلىمى بار. بۇل وتباسىدا بالالار مەكتەپكە ۋاقىتىلى بارماعان. سەبەبى اكەلەرى ءبىر پارتادا ۇل مەن قىزدىڭ وتىرۋىن «حارام» دەپ قابىلداپ، قىزدارىن مەكتەپكە بەرمەگەن", - دەپ حابارلادى رۋسلان وتەپباي.
فاتيما ەسىمدى كەيىپكەر ەكىنشى رەت تۇرمىس قۇرعانىن حابارلاعان. كورشىسىنىڭ ايتۋىنشا، قىزدى تۇرمىسقا بەرگەن وگەي اكە وتباسىمەن تۇرمايدى.
باعدارلامادا وتباسى تۋرالى دا اقپارات بەرىلگەن. ايەلدىڭ ءتورت بالاسى بار. باسپاناسى جۇپىنى، كومىردى دە قارىزعا الىپ جاعىپ وتىر. ال وگەي اكەنىڭ وزگە ايەلدەرى مەن بىرنەشە بالاسى بار ەكەنى ايتىلعان.
