اقش پرەزيدەنتى دونالد ترامپ امەريكا قۇراما شتاتتارىنىڭ 66 حالىقارالىق ۇيىمنان شىعۋى تۋرالى جارلىققا قول قويدى. قۇجات اق ءۇيدىڭ سايتىندا جاريالانعان، دەپ حابارلايدى «ادىرنا» ءتىلشىسى.
«جارلىق بارلىق اتقارۋشى دەپارتامەنت مەن ۆەدومستۆولارعا اقش-تىڭ ۇلتتىق مۇددەلەرىنە، قاۋىپسىزدىگىنە، ەكونوميكالىق وركەندەۋىنە نەمەسە ەگەمەندىگىنە قايشى ارەكەت ەتەتىن بۇۇ جۇيەسىنە كىرمەيتىن 35 ۇيىمعا جانە بۇۇ-نىڭ 31 قۇرىلىمىنا قاتىسۋدى ءارى قارجىلاندىرۋدى توقتاتۋدى مىندەتتەيدى»، – دەلىنگەن حابارلامادا.
اتاپ ايتقاندا، اقش ۋكراين عىلىمي-تەحنولوگيالىق ورتالىعىنان، كومىرتەكسىز ەنەرگەتيكا جونىندەگى كەلىسىمنەن، سونداي-اق ەۋروپا كەڭەسىنىڭ ۆەنەتسيا كوميسسياسىنان شىعادى. ترامپ شىعارۋ جونىندە تاپسىرما بەرگەن بۇۇ قۇرىلىمدارىنىڭ قاتارىندا بۇۇ-نىڭ ەكونوميكالىق جانە الەۋمەتتىك كەڭەسى، حالىقارالىق قۇقىق جونىندەگى كوميسسيا، بۇۇ دەموكراتيا قورى، گەندەرلىك تەڭدىك جانە ايەلدەردىڭ قۇقىقتارى مەن مۇمكىندىكتەرىن كەڭەيتۋ ماسەلەلەرى جونىندەگى قۇرىلىم بار.
اق ءۇيدىڭ پىكىرىنشە، بۇل ۇيىمدار ماڭىزدى ماسەلەلەردى ء«تيىمسىز نەمەسە ۇتىمسىز» تۇردە شەشەدى.
«امەريكالىق سالىق تولەۋشىلەردىڭ قاراجاتىن ء«تيىستى ميسسيالاردى وزگە تاسىلدەرمەن قولداۋعا باعىتتاعان دۇرىس بولار ەدى»،- دەپ اتاپ وتىلگەن ەل بيلىگىنىڭ مالىمدەمەسىندە.
