اقش ۆەنەسۋەلامەن بايلانىستى Marinera مۇناي تانكەرىن باسىپ العانىن جاريالادى، دەپ حابارلايدى «ادىرنا» ءتىلشىسى.
اتلانت مۇحيتى ارقىلى ەكى اپتادان استام ۋاقىتقا سوزىلعان قۋدالاۋدان كەيىن كەمە اتاۋىن وزگەرتىپ، رەسەي تۋىن كوتەرگەن. رەسەي تاراپى اقش-تىڭ بۇل ارەكەتتەرى بۇۇ-نىڭ تەڭىز قۇقىعى جونىندەگى كونۆەنتسياسىنىڭ نورمالارىنا قايشى ەكەنىن مالىمدەدى.
اقش قارۋلى كۇشتەرىنىڭ ەۋروپالىق قولباسشىلىعى تاراتقان مالىمەتكە سايكەس، باستاپقىدا Bella 1 دەپ اتالعان تانكەر سولتۇستىك اتلانتيكادا اقش فەدەرالدىق سوتى بەرگەن وردەرنەگىزىندە ۇستالعان. كەمەنى اقش جاعالاۋ كۇزەتىنىڭ USCGC Munro كەمەسى باقىلاپ وتىرعان.
«بۇل باسىپ الۋ اقش پرەزيدەنتىنىڭ امەريكالىق سانكتسيالارعا ىلىنگەن ءارى باتىس جارتىشاردىڭ قاۋىپسىزدىگى مەن تۇراقتىلىعىنا قاتەر توندىرەتىن كەمەلەرگە قارسى باعىتتالعان وكىمى اياسىندا جۇرگىزىلۋدە»، — دەلىنگەن حابارلامادا.
سارسەنبى كۇنى بىرقاتار باق، سونىڭ ىشىندە Reuters, CBS پەن CNN اقش-تىڭ رەسەي تۋىمەن جۇرگەن Marinera تانكەرىن باسىپ الۋعا كىرىسكەنى تۋرالى حابارلاعان.
گايانا تۋىن رەسەي تۋىنا اۋىستىرعان تانكەر ۆەنەسۋەلاعا قىسىم كورسەتۋ ناۋقانى باستالعاننان كەيىن اقش جاعالاۋ كۇزەتى توقتاتۋعا تىرىسقان كەمەلەردىڭ ءبىرى سانالادى.
