اتىراۋ وبلىسىندا جوعالىپ كەتكەن وتباسىعا قاتىستى ءىس تۋرالى بىرنەشە دەرەكتەر بەلگىلى بولدى، دەپ حابارلايدى "ادىرنا" ۇلتتىق پورتالى.
باق تاراتقان دەرەككە سۇيەنسەك، ەكى ادامنىڭ ءمايىتى تابىلعان. قازا تاپقانداردى ءولتىرىپ، شارۋاشىلىق ماقساتتاعى قۇرىلىستىڭ ىشىندە جاسىرىن جەرلەگەن بولۋى مۇمكىن ەكەنى ايتىلۋدا.
قازىرگى تاڭدا وقيعا ورنىندا قۇقىق قورعاۋ ورگاندارىنىڭ قىزمەتكەرلەرى جۇمىس ىستەپ جاتىر. تەرگەۋ امالدارى جۇرگىزىلىپ، ءتيىستى ساراپتامالار تاعايىندالعان. قازا تاپقانداردىڭ جەكە باسى ازىرگە رەسمي تۇردە راستالعان جوق. الايدا الدىن الا دەرەكتەرگە سايكەس، ولار جوعالعان وتباسىنىڭ جاسى ۇلكەن مۇشەلەرى بولۋى ىقتيمال.
سونىمەن قاتار بەيرەسمي دەرەككوزدەردە بۇل قىلمىسقا جوعالعان وتباسىنىڭ كۇيەۋ بالاسىنىڭ قاتىسى بولۋى مۇمكىن دەگەن بولجام ايتىلۋدا. الايدا پوليتسيا بۇل اقپاراتتى راستاعان جوق جانە ونى تەك نۇسقالاردىڭ ءبىرى رەتىندە قاراستىرىپ وتىر.
جۋرناليست گۇلميرا ابىقاي جەلىدەگى پاراقشاسىندا بەينە جاريالاپ، ءىس تۋرالى اقپاراتتى ءبولىستى.
"اتىراۋ وبلىسىنىڭ جانگەلدى اۋىلىندا ەكى ادامنىڭ دەنەسى تابىلدى. ولار ءىز-ءتۇسسىز جوعالعان وتباسىنىڭ مۇشەلەرى — وتاعاسى مەن ايەلى بولىپ شىقتى. مايىتتەر سول اۋىلداعى قورادان تابىلعان.
بۇل تۋرالى مارقۇمداردىڭ قارىنداسى ءاسيلا مۇقانعاليەۆا حابارلادى", - دەلىنگەن جۋرناليست جازباسىندا.
