30 جەلتوقساندا كۋالا-لۋمپۋر قالاسىندا فۋتبولدان ازيانىڭ ەكىنشى چەمپيوندار ليگاسىنىڭ پلەي-وفف كەزەڭىنە ارنالعان جەرەبە تارتۋ ءراسىمى ءوتتى، دەپ حابارلايدى «ادىرنا» ءتىلشىسءى.
1/8 فينالدا باق سىنايتىن 16 كوماندا جۇپ-جۇپقا ءبولىندى. جەرەبە قورىتىندىسى بويىنشا ساۋد ارابياسىنىڭ «ءال-ناسر» كلۋبى اشعابادتا تۇركىمەنستاننىڭ قازىرگى چەمپيونى «اركاداگ «كومانداسىمەن كەزدەسپەك. ساۋديالىق كلۋب ساپىندا الەمگە ايگىلى فۋتبولشى كريشتيانۋ رونالدۋ ونەر كورسەتەدى.
العاشقى ماتچتار 10–12 اقپان ارالىعىندا وتسە، قارىمتا كەزدەسۋلەر 17–19 اقپان كۇندەرىنە جوسپارلانعان.
ءتۋرنيردىڭ توپتىق كەزەڭىندە ء«ال-ناسر» تاجىكستاننىڭ «يستيكلول» كلۋبىنا قارسى ويناعان. الايدا ساۋديالىق كوماندا دۋشانبەدەگى ماتچقا كەلمەگەن. بۇل جاعداي بىرنەشە جىل بۇرىن دا قايتالانعان.
ايتا كەتەيىك، كريشتيانۋ رونالدۋ ء«ال-ناسر» كلۋبىندا سوڭعى ءۇش جىل بويى ويناپ كەلەدى. الايدا ول وسى ۋاقىتقا دەيىن ورتالىق ازيا ەلدەرىندە الاڭعا شىققان ەمەس. 2023 جانە 2025 جىلدارى ساۋديالىق كلۋب پورتۋگاليالىق جۇلدىزبەن بىرگە افك چەمپيوندار ليگاسىنىڭ توپتىق كەزەڭىندە دۋشانبەدەگى «يستيكلول» كومانداسىمەن ءبىر توپتا بولعان ەدى. بىراق ەكى جاعدايدا دا تاجىكستانداعى ماتچتار سوڭعى تۋرلارعا سايكەس كەلىپ، ء«ال-ناسر» پلەي-وففقا جولدامانى مەرزىمىنەن بۇرىن قامتاماسىز ەتكەندىكتەن، سىرت الاڭعا نەگىزگى قۇرامىن الىپ بارماعان.
