تۇركىمەنستاندا قادىر تۇنىنە وراي سوتتالعاندارعا راقىمشىلىق جاسالادى، دەپ حابارلايدى "ادىرنا" ءتىلشىسى.
ەل پرەزيدەنتى سەردار بەردىمۇحامەدوۆ راقىمشىلىق جاساۋ تۋرالى جارلىققا قول قويدى.
29 ناۋرىزدا تۇركىمەنستان پرەزيدەنتى سەردار بەردىمۇحامەدوۆ ۇكىمەتتىڭ الەۋمەتتىك-ەكونوميكالىق دامۋ ماسەلەلەرىنە ارنالعان وتىرىسىندا ءداستۇر بويىنشا قاسيەتتى «گادير گيدجەسي» ءتۇنى، ياعني قادىر ءتۇنى قۇرمەتىنە، بۇرىن سوتتالعان 356 ازاماتقا راقىمشىلىق جاساۋ تۋرالى جارلىققا قول قويدى.
رەسپۋبليكا باسشىسى قاۋىپسىزدىك كەڭەسىنىڭ حاتشىسى بەگەنچ گۋندوگدىەۆكە قۇقىق قورعاۋ ورگاندارىنىڭ باسشىلارىمەن بىرلەسىپ، بوستاندىققا شىققان ازاماتتاردىڭ ۇيىندە وتباسىمەن بىرگە بولۋى ءۇشىن قاجەتتى جۇمىستاردى جۇرگىزۋدى تاپسىردى.
سونداي-اق، مەملەكەت باسشىسى وبلىس، اۋدان، قالالاردىڭ باسقارما باسشىلارىنا راقىمشىلىق جاسالعان ادامداردى جۇمىسپەن قامتۋدى قامتاماسىز ەتۋ جونىندە تاپسىرمالار بەردى.
