تۇركياعا رەسەيلىك بارلاۋ درونى قۇلادى، دەپ حابارلايدى "ادىرنا" ءتىلشىسى DW-عا سىلتەپ.
ىشكى ىستەر مينيسترلىگى ەلدىڭ سولتۇستىك-باتىسىندا بەلگىسىز ۇشقىشسىز ۇشۋ اپپاراتى تابىلعانىن حابارلادى. ۆەدومستۆونىڭ مالىمەتىنشە، بۇل رەسەيلىك وندىرىستەگى «ورلان-10» بارلاۋ درونى بولۋى مۇمكىن.
درون يزميت اۋدانىنا قاراستى چۋبۋكلۋبالا اۋىلدىق ايماعىندا انىقتالعان.
باق مالىمەتىنشە، درون اۋىل شارۋاشىلىعى القابىنا قۇلاپ، جەرگىلىكتى تۇرعىندار تاۋىپ العان.
«ورلان-10» دروندارى رەسەي قارۋلى كۇشتەرىنىڭ ۋكرايناعا قارسى تولىققاندى باسىپ كىرۋىنە دەيىن بارلاۋ جانە نىسانانى انىقتاۋ ماقساتىندا كەڭىنەن قولدانىلعان. بۇل ۇشقىشسىز اپپاراتتار ءوندىرىسىنىڭ ارزاندىعىمەن جانە ۇزاق قاشىقتىققا ۇشا الۋىمەن ەرەكشەلەنەدى. سونداي-اق ولار بايلانىس سيگنالدارىن ۇستاپ قالۋ، ۇيالى بايلانىستى بۇعاتتاۋ جانە اقپاراتتىق حابارلامالار تاراتۋ مۇمكىندىگىنە يە.
ايتا كەتەيىك، 15 جەلتوقساندا تۇركيا قارا تەڭىز ۇستىندە ەلدىڭ اۋە كەڭىستىگىنە بەت العان بەلگىسىز دروندى اتىپ تۇسىرگەن.
