بيىل تسيفرلىق ماينينگتەن بيۋدجەتكە 652 ملن تەڭگە ءتۇستى. بۇل تۋرالى مەملەكەتتىك كىرىستەر كوميتەتى مالىمدەدى، دەپ حابارلادى “ادىرنا” ۇلتتىق پورتالى.
«2022 جىلدىڭ 1 قاڭتارىنان باستاپ تسيفرلىق ماينينگ ءۇشىن تولەماقى ەنگىزىلدى. تسيفرلىق ماينينگ ءۇشىن تولەماقى ەلىمىزدىڭ 12 اۋماعىنىڭ تولەۋشىلەرىنەن تۇسكەن. ەڭ كوپ تولەم نۇر-سۇلتان قالاسىنان تۇسكەن جانە بيۋدجەتكە 277,3 ملن تەڭگە تولەنگەن. ودان كەيىنگى ورىنداردا بقو، اقتوبە وبلىستارى تۇر. اتالعان وبلىستار تيىسىنشە 143,1 ملن جانە 48,9 ملن تەڭگەدەن قاراجات تولەگەن»، – دەلىنگەن حابارلامادا.كوميتەتتىڭ حابارلاۋىنشا، اتالعان تولەماقى رەسپۋبليكالىق بيۋدجەتكە تۇسەدى. سالىق كودەكسىندە تسيفرلىق ماينينگ ءۇشىن تولەماقى بويىنشا سالىق ەسەپتىلىگىن تاپسىرۋ كوزدەلمەگەن. تولەماقى سوماسى ەلەكتر ەنەرگياسىنىڭ 1 كيلوۆاتت-ساعاتى ءۇشىن 1 تەڭگە مولشەرىندە ەسەپتەلەدى.
«قازىر پارلامەنتتە تسيفرلىق ماينينگ ءۇشىن تولەماقى ستاۆكاسىن ۇلعايتۋدى كوزدەيتىن زاڭ جوباسى قاراستىرىلىپ جاتىر» دەپ تولىقتىردى كوميتەت.
ۇقساس جاڭالىقتار
ۇكىمەت جالپى سوماسى 1,5 ملرد اقش دوللارىن قۇرايتىن ەۋرووبليگاتسيالاردى شىعارۋدى ءساتتى جۇزەگە اسىردى
