ەلىمىزدە وزگە ەلدەن كەلگەن لەگيونەرلەر سپورتشىلاردى مەملەكەتتىك بيۋدجەت ەسەبىنەن قارجىلاندىرۋعا تىيىم سالىناتىن بولادى، دەپ حابارلايدى "ادىرنا" ۇلتتىق پورتالى.
ەندى كاسىبي سپورتتى مەملەكەتتىك بيۋدجەت قاراجاتى ەسەبىنەن قارجىلاندىرۋعا قاتىستى جاڭا ەرەجەلەر ۇسىنىلدى. زاڭ جوباسىنا سايكەس كاسىبي كلۋبتاردى ۇستاۋعا مەملەكەت تاراپىنان قارجىلاندىرۋ ليميتتەرى بەلگىلەنەتىن بولادى. مينيسترلىك دەرەگىنشە، بۇل شارا بيۋدجەتتىك شىعىستاردىڭ تيىمدىلىگىن ارتتىرادى.
ودان بولەك، زاڭ جوباسىندا وزگە وزگەرىس بار. قر ازاماتتارى بولىپ سانالمايتىن سپورتشىلاردى مەملەكەتتىك بيۋدجەت جانە كۆازيمەملەكەتتىك سەكتور سۋبەكتىلەرىنىڭ قاراجاتى ەسەبىنەن قارجىلاندىرۋعا تىيىم سالۋ. بۇل شارا ەل ازاماتتارىنىڭ سپورتتا دا، قارجىلىق قولداۋدا دا باسىمدىققا يە بولۋىن قامتاماسىز ەتەدى.
"بۇل وزگەرىستەر سپورتتىق سالاداعى باسقارۋدى وڭتايلاندىرىپ، قارجىلىق رەسۋرستاردى ءتيىمدى پايدالانۋعا مۇمكىندىك بەرەدى. ءبىز جوعارى جەتىستىكتەر سپورتىنا ەرەكشە كوڭىل ءبولىپ، كاسىبي سپورتتىڭ قارجىلاندىرۋ جۇيەسىن تۇراقتى ءارى ءادىل ەتۋدى ماقسات ەتىپ وتىرمىز", – دەپ اتاپ ءوتتى تۋريزم جانە سپورت ءمينيسترى ەربول مىرزابوسىنوۆ.
