الماتىداعى اباي اتىنداعى قازاق ۇلتتىق وپەرا جانە بالەت تەاترىندا اكتەر، رەجيسسەر، قازاق كسر جانە كسرو حالىق ءارتىسى اسانالى اشىموۆپەن قوشتاسۋ ءراسىمى ءوتتى، دەپ حابارلايدى "ادىرنا" ۇلتتىق پورتالى.
قارالى جيىنعا مادەنيەت جانە ونەر سالاسىنىڭ وكىلدەرى، قوعام قايراتكەرلەرى، اكتەردىڭ شاكىرتتەرى مەن ارىپتەستەرى، سونداي-اق قالا تۇرعىندارى جينالدى.
ءراسىم بارىسىندا مادەنيەت جانە اقپارات ءمينيسترى ايدا بالاەۆا، مەملەكەتتىك كەڭەسشى ەرلان قارين، الماتى قالاسىنىڭ اكىمى دارحان ساتىبالدى ءسوز سويلەپ، قازاق ونەرىنىڭ كورنەكتى وكىلىنە قۇرمەت كورسەتتى. سونداي-اق قازاقستان جازۋشىلار وداعىنىڭ توراعاسى مەرەكە قۇلكەنوۆ، قىرعىز جازۋشىسى، تۇركسوي ۇيىمىنىڭ باس حاتشىسى سۇلتان راەۆ مارقۇمنىڭ ونەردەگى ورنى مەن ادامدىق بولمىسىن ەسكە الدى.
اباي اتىنداعى وپەرا جانە بالەت تەاترىنىڭ الدىنا اكتەردى اقتىق ساپارعا شىعارىپ سالۋ ءۇشىن جينالعان حالىق قاراسى كوپ بولدى.
ءاسانالى ءاشىموۆ كەڭساي-1 زيراتىنا جەرلەنەدى، ودان كەيىن Royal Tulip مەيرامحاناسىندا اس بەرىلەدى.
قازاق ونەرىنىڭ ساڭلاعى ءاسانالى ءاشىموۆ 21 جەلتوقساندا توقسانعا قاراعان شاعىندا ومىردەن ءوتتى.
