Kök qūjattyŋ qūny östı. Elımızde tölqūjatty kımder tegın alady?

IIM Köşı-qon qyzmetı komitetı Halyqty qūjattandyru basqarmasy memlekettık qūjatty alu üşın baj salyǧyn tölemeitın azamattar sanatyn aitty, dep habarlaidy "Adyrna" ūlttyq portaly Qazİnformǧa sıltep. Salyq kodeksınıŋ 622-babyna säikes:

• ŪOS ardagerlerı men olarǧa teŋestırılgen tūlǧalar
• Keŋes odaǧynyŋ batyrlary
• Sosialistık eŋbek erlerı
• Mügedektıgı bar azamattar (barlyq top)
•  Bala kezınen mügedek bolǧan azamattyŋ ata-anasynyŋ bırı
• Qarttar men mügedekterge arnalǧan mekemelerde tūratyn egde jastaǧy adamdar
• Jetım balalar jäne balalar üilerınde nemese internattarda tūratyn ata-anasynyŋ qamqorlyǧynsyz qalǧan balalar
• «Batyr Ana», «Altyn alqa» jäne «Kümıs alqa» tösbelgılerınıŋ ielerı
• Chernobyl apatynyŋ saldarynan zardap şekken azamattarǧa tölqūjat tegın berıledı.

"Işkı ıster ministrlıgınıŋ 2020 jylǧy 30 nauryzda bekıtılgen 267 būiryǧy bar. Sonda tolyǧymen jazylǧan. Mügedektıgı bar bala bolsa, ol özı tūratyn öŋırdegı Halyqqa qyzmet körsetu ortalyǧyna barady. Tiısınşe balanyŋ tuu turaly kuälıgın ata-analarynyŋ bıreuı körsete otyryp, aryz jazady. Al Chernobyl apatynan zardap şekken, ŪOS qatysqan azamattar arnaiy kuälıkterın körsetıp, tegın ala alady", - delıngen materialda. Tölqūjat ötınış qabyldanǧannan keiın 15 jūmys künı ışınde daiyn bolady. Alaida mūndai azamattar qūjatty jedel alǧysy kelse, aqy töleuı kerek. Özge qazaqstandyqtar memlekettık tölqūjatty alu üşın belgılengen baj salyǧyn töleuı kerek. 2025 jylǧy AEK boiynşa 36 bettık tölqūjat 31 456 teŋge, 48 bet 47 184 teŋge tūrady.