Saýda jáne ıntegraııa mınıstri Arman Shaqqalıev Eýrazııa ekonomıkalyq odaǵyndaǵy kedendik baj salyǵy joǵarylaýy múmkin ekenin aıtty, dep habarlaıdy “Adyrna” ulttyq portaly.
Áriptester mınıstrge «Bıyl Eýrazııa ekonomıkalyq odaǵynyń qurylǵanyna 10 jyl boldy. Atalǵan odaqtyń kedendik baj salyǵynyń 84 paıyzy Reseıge, al 7 paıyzy Qazaqstanǵa tıesili. Aldaǵy ýaqytta osy júıe ózgere me? Iaǵnı 7 paıyzdan 15-20 paıyzǵa arttyrý josparda bar ma? Ekonomıster 7 paıyz tym az ekenin aıtady?» degen suraq qoıyldy.
Arman Abaıulynyń aıtýynsha, bul másele kún tártibinde tur.
«Ótken jyly Eýrazııa ekonomıkalyq odaqtyń jumys tobynda birneshe talqylaý ótti. Metodologııa jaǵynan kedendik baj salyǵyn arttyrýǵa baılanysty 2-3 nusqa bar. Biraq 15 nemese 20 paıyzǵa kóteremiz dep naqty aıta almaımyn. Ótken jyly úkimet deńgeıinde úkimetaralyq otyrys ótip, kollegııanyń jaýapty múshesi baıandama jasady. Bul másele bizdiń josparymyzda bar. Sebebi álemdegi geosaıasat ózgerdi jáne saýda jaǵynan ózgerister bolyp jatyr», – dedi ol.
Jýrnalıst qosymsha «Kedendik baj salyǵy qansha paıyzǵa kóterilýi múmkin? Naqty qaı ýaqytta ógeredi? Bıyl ma, keler jyly ma, joq álde bul sóz kúıinde qala ma?» dep suraq qoıdy.
Mınıstr bul másele jáı sóz bolyp qalmaıtynyna sendirdi.
«Bul másele kún tártibinde tur jáne oǵan baılanysty bir sheshim qabyldanatyn bolady. Qazirgi 6,99 paıyzdyń qanshalyqty joǵarylaıtyny metodologııa baılanysty bolmaq. Atalǵan metodologııa kedendik baj salyǵyn 8 paıyzǵa deıin kóterýge múmkindik beredi. Ekinshi metodologııa JIÓ jáne úshinshi kedendik bajdarǵa baılanysty bolmaq. Osy jyldyń aıaǵyna deıin aqparat bolady», – dedi ol.
