"Mosfılm" kınostýdııasynyń bas dırektory Karen Shahnazarovtyń aıtýynsha, kınostýdııa ózderiniń rekvızıttik áskerı tehnıkasyn Reseı qarýly kúshterine berdi, dep habarlaıdy "Adyrna" ulttyq portaly dw.com-ge siltep.
Bul týraly Reseı prezıdenti Vladımır Pýtınge "Mosfılm" kınostýdııasynyń bas dırektory jáne basqarma tóraǵasy Karen Shahnazarov aıtty.
Kremldiń baspasóz qyzmeti 13 qarasha kúni qarýly kúshterge 28 T-55 tanki, segiz PT-76 tanki, alty BMP jáne segiz tartqysh tehnıka berilgeni týraly aqparat jarııalaǵan. Olar "áskerı-tehnıkalyq bazada" saqtalǵan.
"Men qajettilikter bar ekenin bildim, qorǵanys mınıstrligimen baılanysyp, sol tehnıkalardy alyp ketti", — dedi rejısser áńgime barysynda.
Al kınostýdııanyń saıtynda:
"Mosfılm" saıtynda "Áskerı tehnıka" bóliminde kınostýdııanyń óndiristik kesheni tank, artıllerııa, avtomobıl jáne atys qarýymen jabdyqtalǵany kórsetilgen. Onda 190-nan astam brondy tehnıka, bronetransporterler jáne ózdiginen júretin qondyrǵylar bar, olar ártúrli kezeńderdiń sheteldik áskerı tehnıkasyna uqsas etip jasalǵan. "Barlyq tehnıka rekvızıt (sahnalyq qural) retinde qoldanylady, jumys jaǵdaıynda", — delingen reseılik kınostýdııanyń saıtynda.
Reseı áskeriniń Ýkraınaǵa keń aýqymdy basyp kirýi bastalǵannan bastap, Reseıde qarý-jaraq jetispeýshiligi týraly habarlar shyǵa bastady. Osyǵan baılanysty Reseı qorǵanys mınıstrligi eski qorlardy qaıta jandandyrýǵa sheshim qabyldady. Atap aıtqanda, 1958-1979 jyldary shyǵarylǵan T-55 tanki de maıdanǵa jiberildi, ony Shahnazarov Pýtınmen áńgimede atap ótti.
