Aqtaýda qaza tapqan sarbazdyń ákesi Qorǵanys mınıstrligine júginip, oqıǵany beı-jaı qaldyrmaýdy ótindi, dep habarlaıdy "Adyrna" ulttyq portaly.
Mańǵystaý oblysynda jaralanǵan sarbazdyń ákesi Qorǵanys mınıstriniń atyna vıdeoótinish joldady.
«Jalǵyz ulym áskerge tirideı baryp, tabytpen qaıtty.
Aqtaý qalasynyń áskerı okrýgine bara jatyrmyn. Ulymdy tapanshamen betinen atyp tastaǵan. Bul oqys oqıǵa deıdi. Ofıer qarýmen oınap otyryp, ol aıaqastynan atylyp ketken deıdi.
Men Qorǵanys mınıstrinen bul istiń jazataıym oqıǵa retinde qarastyrylmaýyn suraımyn. Bul jazataıym oqıǵa emes: tapanshadan atý úshin patronyn salyp, saqtandyrǵyshtan alyp tastap, shúrippeni basý kerek. Bul oınaıtyn oıynshyq emes. Qazir ony qamaýǵa aldy deıdi. Isti toqtatqysy kelýi múmkin. Men bárin muqııat zerttegim keledi», - dedi sarbazdyń ákesi.
Er adam tergeý komıtetine baryp, ary qaraı ulynyń denesin ekspertızadan ótkizbek.
Eske sala keteıik, áskerge óz aıaǵymen ketken sarbaz aı-kúnniń amanynda oq tıip, kóz jumǵan.
