Qūrlyq äskerlerınıŋ Gvardiialyq garnizonynda ornalasqan äskeri bölımderdıŋ bırınde oqys oqiǧa tırkeldı, dep habarlaidy "Adyrna" tılşısı.
Qūrlyq äskerlerı baspasöz qyzmetınıŋ mälımetınşe, 6 qaŋtar künı taŋǧy tekserıs barysynda merzımdı äskeri qyzmettegı sarbaz sol qolynyŋ sausaqtaryn temır zatpen jaraqattaǧan.
Zardap şekken äskeri qyzmetker jedel türde äskeri gospitalǧa jetkızılıp, oǧan qajettı medisinalyq kömek körsetılgen.
Qazırgı taŋda sarbazdyŋ jaǧdaiy tūraqty, ömırıne qauıp joq. Ol därıgerlerdıŋ baqylauynda.
Aldyn ala mälımet boiynşa, sarbaz būl ärekettı jeke sebepterge bailanysty jasaǧanyn aitqan. Oqiǧanyŋ män-jaiyn anyqtau maqsatynda qylmystyq ıs qozǧalyp, tergeu amaldary jürgızılıp jatyr.
Ūqsas jaŋalyqtar
