Germanııada festıval barysynda aınalmaly dóńgelek órtendi, dep habarlaıdy "Adyrna" ulttyq portaly.
Qyzyl jalyn eldegi Shtermtal kólinde ótip jatqan Haıfıld festıvalinde oryn alǵan. Keshki saǵat toǵyzdar shamasynda attrakıon qosylǵanda bir kabına órtenip bastaǵaan. Qyzyl órt ekinshi kabınaǵa da tarap, adamdar daýryǵa bastady. Órt kezinde aınalmaly dóńgelek ishinde adam toly bolǵan.
"Biz kúıgen plastıktiń ıisin sezindik, biraq ol jaqyn mańdaǵy kabınadan shyqty dep oılamadyq", – dedi festıvalge kelýshi.
Órt saldarynan tórt adam aýyr kúıik alǵan. Al, 2 adam órt shyqqan kezde kabınadan qulap jaraqat aldy. Odan bólek, 18 adam kómirqyshqyl gazynan ýlanyp, zardap shekken.
Aıta keteıik, 24 maýsymda Almatyda Gorkıı atyndaǵy Ortalyq mádenıet jáne demalys saıabaǵynda jas ana attrakıonnan qulap, mert bolǵan edi.
