Respýblıkalyq dástúrli festıval - «Ulytaý úni» aıasynda alaman aıtys ótti. Óner dodasynda Ulytaý jáne Qostanaı oblysynyń aqyndarynan quralǵan qos komanda tartysty.
Óńirimizde alǵash ret uıymdastyrylǵan komandalyq saıys «Qaıym aıtys», «Qyz ben jigit aıtysy», «Jyrshy», «Termeshi», «Túre aıtys», «Súre aıtys», «Ánshi», «Kúıshi» syndy kezeńderden turdy.
Ulytaý oblysynyń namysyn Tólegen Jamanov, Saǵynbaı Málibekov, Syrym Nyǵyzbaı, Bekzada Dostııarova, Ómirjan Kópbosyn, Ardaq Muqysh, Dýman Samatuly, Jalyn Syzdyqov qorǵady.
Al Qostanaı oblysynan Aıbek Qalıev, Abzal Alpys, Aıbar Raǵatov, Danııar Rysbekov, Jibek Shahmardan, Manapbek Kádirov, Batyrlan Saǵyntaev, Qydyrbek Qıysqanuly atty aqyndar ónerlerin ortaǵa saldy.
«Otan» ordeniniń ıegeri, ulyq óner janashyry Júrsin Erman tóraǵalyq etken qazylar alqasynyń sheshimimen upaı sany 192 de 193 bolyp, komandalyq aıtystyń kelesi kezeńine Qostanaı oblysy joldama aldy. Aıta keteıik, komandalyq aıtys el kóleminde ótýde.
Nátıjesinde, kúıshi, jyrshy, termeshilerge 250 myń teńgeden, aqyndarǵa 500 myń teńgeden qarjylaı syıaqylardyń sertıfıkattary berildi.
