Qaraǵandydaǵy YDD Corporation ferroqorytpa zaýytynda bolǵan qaıǵyly jaǵdaıdan bir qyzmetker kóz jumdy, dep habarlaıdy "Adyrna" ulttyq portaly.
Tótenshe jaǵdaı saldarynan 8 jumysshy zardap shekti. Olardyń denesin kúıik shalǵan. Aq halattylar 5 adamnyń jaǵdaıy óte aýyr, úsheýiniń jaǵdaıy aýyr dep baǵalady.
Alaıda naýqastyń ómirin aman alyp qalý múmkin bolmaǵan.
"Dárigerler qansha tyrysqanmen, Qaraǵandy ferroqorytpa zaýytynyń zardap shekken jumysshylarynyń birin aman alyp qala almady. Osy ýaqyt boıy jaǵdaıy óte aýyr bolǵan, denesiniń 85 paıyzyn tereń kúıik shalǵan 1993 jyly týǵan naýqas qaıtys boldy. Marqumnyń jaqyn týystaryna shyn nıetpen kóńil aıtamyz", – delingen Qaraǵandy oblystyq densaýlyq saqtaý basqarmasynyń habarlamasynda.
Eske sala keteıik, ferroqorytpa zaýyttyń basshylyǵy aýyr jaraqat alǵan qyzmetkerlerdiń emine Túrkııa men Reseıden dárigerler aldyrtqan edi.
