Elimizde negizgi UBT tapsyrý merzimi aıaqtaldy, dep habarlaıdy "Adyrna" ulttyq portaly.
Ulttyq testileý ortalyǵy 12 shilde kúni testtiń aıaqtalǵanyn habarlady. Ulttyq testileý ortalyǵy qorytyndysy boıynsha respýblıka boıynsha 181 myńnan astam talapker UBT tapsyrǵan.
"Talapkerlerdiń 75,1 paıyzy qazaq tilinde, 24,8 paıyzy orys tilinde, 168 adam aǵylshyn tilinde testileýden ótti. Shekti baldy 76,4 paıyzǵa jýyq (139 myń) talapker jınady; Ortasha ball – 68 ball. 641 erekshe bilim berý qajettiligi bar bala qatysty", - delingen habarlamada.
Alaıda UTO erejesin buzǵan 628 talapkerdiń nátıjesi joıylǵan.
"Smartfon, shpargalka jáne basqa da tyıym salynǵan zattardy alyp ótý áreketi saldarynan 393 talapker test tapsyrý múmkindiginen aıyryldy. Testileý kezinde erejelerdi buzǵany úshin aýdıtorııadan 188 adam shyǵaryldy; beınejazbalardy tekserýden soń ereje buzǵan 47 adamnyń nátıjesi joıyldy; Bógde tulǵalar anyqtalǵan joq", - deıdi ortalyq mamandary.
