Búgin, 27-maýsym kúni UBT-dan 140 ball ıegeri anyqtaldy. Almaty oblysy, Talǵar aýdany, Qarabulaq aýylynan shyqqan rekord ıesi Jannur Eńsebek “Adyrna” tilshisine alǵashqy sezimderimen bólisti.
Jannur Ulttyq birińǵaı testileýde maksımaldy 140 baldyń 140-yn jınap, kópti tánti etti. Atap aıtqanda, Qazaqstan tarıhynan - 20, Oqý saýattylyǵy - 10, Matematıkalyq saýattylyq - 10, eki beıindik pánnen múmkin bolǵan 50 suraqtyń barlyǵyna durys jaýap bergen.
Jannurdyń tańdaý páni - ınformatıka jáne matematıka. Ol testileýge daıyndyǵyn 10-synaptan bastaǵanyn aıtty.
“Qańtar aıyndaǵy alǵashqy UBT-dan 121 ball ıelendim, 1 aıdan soń naýryz aıynda synamaly UBT-dan 137 ball jınadym. Búgin, mine, sońǵy mejede maksımaldy 140 upaıdy jınaýdy buıyrypty. Keýdemdi qorqynysh bıledi. Dese de daıyndyǵym júıeli túrde boldy. Bir kúnimdi bos jibermeı oqyp, eńbektendim. 140 balymnyń qupııasy sapaly bilim bergen Juz40 bilim berý ortalyǵynda daıyndalǵanymnyń arqasy,-” deıdi ol.
Sondaı-aq, ol alǵashynda óz nátıjesin kórgeninde senbeginin jetkizdi:
«Ózim 140 ball múmkin emes dep oıladym. Alǵash nátıjemdi kórgende ornymnan atyp turdym. Biraq men bul baldy ózime maqsat etken bolatynmyn. Men úshin Juz40 bilim berý ortalyǵynyń jyl basynda ýáde etken Hyundai Sonato avtokóligi úlken motıvaııa boldy” dep qosty ol.
Aıta keteıik, Juz40 bilim berý ortalyǵy oqý jylynyń basynda shekti 140 ball jınaǵan túlekke sý jańa Hyundai Sonato kóligin syıǵa tartýdy ýáde etken bolatyn.
Jannur bolashaqta SDU ýnıversıtetine tapsyryp, « Aqparattyq-tehnologııalar» IT mamany bolǵysy keletinin aıtty.
Sonymen qatar, Qarabulaq aýylyndaǵy N22 orta mekteptiń qazaq tili men ádebıeti pániniń muǵalimi, Jannurdyń ustazy, synyp jetekshisi Nurgúl Serikqyzy shákirtiniń kishkentaıynan alǵyr, bilimge qushtar, oqýdan bólek óneri kóp ekennin aıtty:
“Jannur bilimge qushtar, óte sabyrly baısaldy, ozat oqýshym, Altyn belgi ıegerim.
Mektepte jan-jaqty bilim men qatar shahmat oınap, dombyra shertkendi unatady.
Minezi salmaqty, ınformatıka páninen Almaty oblysy boıynsha birinshi oryn ıegeri, aýyl olımpıadasynyń jeńimpazy. Daıyndyǵyna óte tııanaqty qarady. Erteden-aq, mamandyǵyn tańdap, daıyndyqty bastap ketken,-” dedi Nurgúl Kúzembaeva.
Farıza Qurbanbaeva
”Adyrna” ulttyq portaly
