Búgin Astana qalasynyń ákimshilik quqyq buzýshylyqtar jónindegi mamandandyrylǵan aýdanaralyq sotynda Qaırat Nurtastyń isi qaraldy. Sot otyrysy barysynda jábirlenýshi ánshige shaǵymy joq ekenin aıtty, dep habarlaıdy “Adyrna” ulttyq portaly.
Qaırat Nurtastyń isine qatysty sot otyrysynda jábirlenýshi Asylbek Bekqaıyrov ánshige shaǵymy joq ekenin aıtyp, ákimshilik isti qysqartýdy surady.
"Aıdarbekovpen aryz-shaǵym joq. Ákimshilik isti qysqartýdy suraımyn", - dedi ol.
Qaırat Nurtas sot aldynda sóz sóılep, ózin aıyppulmen jazalaýyn surady.
"Qatty qatelessem, kinámdi moıyndaımyn. Meni aıyppulmen jazalasańyzdar durys bolar edi. Suranarym osy. Sebebi alda talaı konertim, talaı toıym bar", - dedi ánshi.
Óner ıesiniń advokaty ákimshilik isti qysqartýdy surady. Prokýror 434-bap Usaq buzaqylyq baby boıynsha jaza taǵaıyndaýdy, al jeńil jaraqat salý boıynsha isti sýdıanyń qaraýyna qaldyrýdy surady.
Ánshini 15 táýlikke qamaý týraly sot úkim shyǵardy.
