Búgin, 14 maýsym Parlament palatalarynyń birlesken otyrysy aıasynda depýtattar sot júıesi men sýdıalardyń mártebesi týraly konstıtýııalyq zań jobasyn tanystyrdy, dep habarlaıdy “Adıarna” ulttyq portaly.
Zań jobasyn Senat depýtaty Nurlan Beknazarov tanystyrdy. Onyń aıtýynsha, joba sot tóreligin júzege asyrýdyń sapasyn qamtamasyz etý jáne sýdıalardyń kásibı deńgeıin arttyrý maqsatynda ázirlengen.
Zań jobasyna túzetýler úsh blokqa bólinedi:
- túzetýlerdiń birinshi blogy Sot jıýrıi jumysyn jaqsartýǵa baǵyttalǵan;
- túzetýlerdiń ekinshi blogy Sot tóreligin júzege asyrý sapasy jónindegi komıssııa qyzmetin uıymdastyrý tártibin jáne qyzmetin ózgertýge baǵyttalǵan;
- túzetýlerdiń úshinshi blogy sýdıalardyń táýelsizdigin qamtamasyz etý bóliginde olardyń quqǵy men áleýmettik kepildikterin nyǵaıtýǵa qatysty.
Beknazarovtyń aıtýynsha, sot isin qaraý kezinde zańdylyqty óreskel buzýdyń árbir deregi boıynsha Sot jıýrıi sýdıaǵa qatysty tártiptik is materıaldaryn tekserýdiń jańa tetigin engizedi, bul sýdıalar tarapynan zańbuzýshylyqtarǵa neǵurlym tıimdi den qoıýǵa múmkindik beredi.
"Jalpy otyrystyń kez kelgen sheshimine qaramastan, óreskel zańbuzýshylyq derekteri boıynsha barlyq materıal tekserý úshin Sot jıýrıine jiberiledi. Qazirgi ýaqytta tártiptik is júrgizýdi qozǵaý týraly sheshimderdi Joǵarǵy Sottyń jáne oblystyq sottardyń jalpy otyrystary qabyldaıdy, nátıjesinde is júzinde Sot jıýrıine mundaı zvńbuzýshylyqtardyń az ǵana bóligi qaraýǵa túsedi", - dep atap ótti senator.
Sonymen qatar, tártiptik isterdi qaraý júktemesiniń boljamdy ulǵaıýyna baılanysty Sot jıýrıiniń quramy 9-dan 15 múshege deıin ulǵaıada, onyń quramyna 13 sýdıa, sondaı-aq keńesshi daýys quqyǵy bar zań qoǵamdastyǵynyń eki ókili kiredi.
"Tájirıbede sýdıanyń qyzmetin baǵalaýdyń qaıtalanýy boldy. Konstıtýııalyq zań jobasyna sáıkes sýdıanyń kásibı qyzmetin baǵalaýdy qoldanystaǵy normalarda kózdelgendeı jyldyq qyzmettiń nátıjeleri boıynsha emes, alǵashqy úsh jyldyń nátıjeleri boıynsha júrgizý usynylady", - dedi Beknazarov.
Konstıtýııalyq zań jobasynda otstavkadaǵy sýdıalardyń ómir boıy jalaqysynyń mólsherine qatysty túzetýler qarastyrylǵan.
Sonymen qatar, zań jobasy sýdıanyń Sot jıýrıine jiberilgenge deıin barlyq materıalmen tanysý múmkindigine, sondaı-aq sýdıanyń tártiptik isti ne onyń ókilin qaraýǵa jeke qatysýy arqyly onyń quqyqtaryn tolyq qorǵaýǵa kepildik beretin normalarmen tolyqtyrylady.
"Qazaqstan Respýblıkasynyń sot júıesi jáne sýdıalarynyń mártebesi týraly "Qazaqstan Respýblıkasynyń Konstıtýııalyq zańyna ózgerister men tolyqtyrýlar engizý týraly" zań jobasy birinshi oqylymda maquldandy.
