Tótenshe jaǵdaı mınıstri "Maıqaıyń-altyn" AQ-ǵa qatysty pikir bildirdi, dep habarlaıdy "Adyrna" ulttyq portaly.
Mınıstr Árinov ken ornyndaǵy shuńqyrǵa qulap, úıindi astynda qalǵan qutqarýshylardy izdeý daıyndyq sharalarynan soń qaıta jalǵasatynyn aıtty. Degenmen mınıstr tosyn sheshimin aıtty.
"Qazir "Maıqaıyń altyn" AQ-da qutqarýshylarǵa qaýip tóngendikten olardyń jumysy toqtatyldy. 13 mamyrdan bastap daıyndyq jumysy júrgizilip jatyr. Onyń ishinde soltústik-shyǵys bóligindegi qulaǵan topyraqty keńeıtý jumysy áli júrgizilýde. Ol bitkennen keıin qutqarýshylarǵa qolaıly jaǵdaı jasalsa, jalǵasady", - dedi mınıstr Shyńǵys Árinov.
BAQ ókiline jaýap bergen Shyńǵys Árinov qutqarýshylarǵa qaýip tónbese, izdeý jalǵasatynyn atap ótti.
"Ol kisilerdiń máıitterin shyǵaramyz dep qutqarýshylardan aıyrylyp qalmaıyq degen maqsatpen barlyq qaýipsizdik sharasyn qabyldap jatyrmyz. Sondyqtan túsinýlerińizdi suraımyn", - dedi mınıstr.
