توتەنشە جاعداي ءمينيسترى "مايقايىڭ-التىن" اق-عا قاتىستى پىكىر ءبىلدىردى، دەپ حابارلايدى "ادىرنا" ۇلتتىق پورتالى.
مينيستر ءارىنوۆ كەن ورنىنداعى شۇڭقىرعا قۇلاپ، ءۇيىندى استىندا قالعان قۇتقارۋشىلاردى ىزدەۋ دايىندىق شارالارىنان سوڭ قايتا جالعاساتىنىن ايتتى. دەگەنمەن مينيستر توسىن شەشىمىن ايتتى.
"قازىر "مايقايىڭ التىن" اق-دا قۇتقارۋشىلارعا قاۋىپ تونگەندىكتەن ولاردىڭ جۇمىسى توقتاتىلدى. 13 مامىردان باستاپ دايىندىق جۇمىسى جۇرگىزىلىپ جاتىر. ونىڭ ىشىندە سولتۇستىك-شىعىس بولىگىندەگى قۇلاعان توپىراقتى كەڭەيتۋ جۇمىسى ءالى جۇرگىزىلۋدە. ول بىتكەننەن كەيىن قۇتقارۋشىلارعا قولايلى جاعداي جاسالسا، جالعاسادى", - دەدى مينيستر شىڭعىس ءارىنوۆ.باق وكىلىنە جاۋاپ بەرگەن شىڭعىس ءارىنوۆ قۇتقارۋشىلارعا قاۋىپ تونبەسە، ىزدەۋ جالعاساتىنىن اتاپ ءوتتى.
"ول كىسىلەردىڭ مايىتتەرىن شىعارامىز دەپ قۇتقارۋشىلاردان ايىرىلىپ قالمايىق دەگەن ماقساتپەن بارلىق قاۋىپسىزدىك شاراسىن قابىلداپ جاتىرمىز. سوندىقتان تۇسىنۋلەرىڭىزدى سۇرايمىن", - دەدى مينيستر.
