Qazaqstanda býkmekerlik keńseler men býkmekerlik ortalyqtardyń ǵımarattardaǵy, qurylystardaǵy jáne kólik quraldaryndaǵy syrtqy jarnamasyna, sondaı-aq olardy buqaralyq aqparat quraldarynda, kıno, beıne jáne anyqtamalyq qyzmetterde jarnamalaýǵa tolyq tyıym salyndy, dep habarlaıdy “Adyrna” ulttyq portaly.
Ákimshilik quqyq buzýshylyq týraly kodekske engiziletin ilespe túzetýlerimen ekinshi oqylymda qabyldady.
“Degenmen býkmekerlik keńseler men býkmekerlik dúkenderdiń ornalasqan jerinde, sport ǵımarattarynyń ishinde, sportshylardyń jabdyqtarynda, sporttyq tele-radıo arnalarda, sporttyq is-sharalardy kórsetýge mamandandyrylǵan ınternet-resýrstarda jarnamaǵa ruqsat etiledi. Bul rette otandyq telearnalar halyqaralyq sport jarystaryn tikeleı translıaııalaý kezinde býkmekerlik keńseler men utys oıynyn jarnamalaı alady”, - dedi májilis depýtaty Elnur Beısenbaev.
Sonymen qatar túzetýlerde uıaly baılanys operatorlaryna elektrondy kazınolar, onlaın-kazınolar, sondaı-aq halyqtyń abonenttik qurylǵylaryna qumar oıyndar men bás tigýler týraly jarnamany qamtıtyn mátindik habarlamalar jiberýge tyıym salý kózdelgen.
Depýtattyń sózinshe, jańa zańda lotereıa bıletterin taratý erejeleri belgilendi.
“Lotereıa bıletterin, onyń ishinde elektrondy bıletterdi tek lotereıa operatory men agenti arqyly taratýǵa bolady. Olardy satýǵa lotereıa termınaldary, staıonarlyq emes saýda obektileri, poshta operatorynyń poshta baılanysy fılıaldary jáne lotereıa operatorynyń fılıaldary arqyly ruqsat etiledi. Bul rette turǵyn úıler men jataqhanalarda, mádenıet uıymdary ornalasqan jekelegen ǵımarattar men qurylystarda, bilim berý jáne densaýlyq saqtaý uıymdarynda, dinı ǵımarattar men qurylystarda lotereıa bıletterin taratýǵa jáne termınaldar ornatýǵa tyıym salynady”, - dedi májilismen.
