Qazaqstandaǧy memlekettık elektrondyq qyzmetterde qazaq tılındegı jasandy intellekt (Jİ) jauaptarynyŋ sapasy orys tılındegı nūsqamen salystyrǧanda tömen ekenı anyqtaldy, dep habarlaidy "Adyrna" ūlttyq portaly Azattyq radiosyna sıltep.
BAQ CAPS Unlock jobasynyŋ saitynda jariialanǧan zertteu maqalasy turaly habarlady.
Zertteu avtory Jannat Bübekbaeva eGov Mobile qosymşasyndaǧy Jİ botyna qazaq jäne orys tılderınde bırdei sūraqtar qoiyp, salystyrmaly taldau jürgızgen. Zertteu nätijesıne säikes, ekı tılde de qatelıkter tırkelgen. Degenmen, qazaq tılındegı jauaptarda qate jiılıgı men auytqu deŋgeiı äldeqaida joǧary bolǧan. Mäselen, ailyq eseptık körsetkış (AEK) turaly sūraqqa orys tılındegı bot 3800 teŋge dep jauap berse, qazaq tılındegı nūsqa 73 myŋ teŋge dep körsetken. Al resmi derek boiynşa, AEK mölşerı 4325 teŋge bolyp bekıtılgen.
Sonymen qatar, qazaq tılındegı bot keibır sūraqtarǧa ärtürlı künde ärtürlı jauap bergen, būl jauaptardyŋ tūraqsyzdyǧyn körsetedı. Zeinetaqy turaly sūraqta da aiyrmaşylyqtar anyqtalǧan: orys tılındegı bot Reseige qatysty qate derekterdı keltırse, qazaq tılındegı nūsqa Qazaqstannyŋ tiıstı mekemelerıne dūrys sılteme jasaǧanymen, jalpy jauap sapasy tömen baǧalanǧan.
Qazırgı taŋda eGov Mobile qosymşasyn 11,7 millionnan astam azamat paidalanady, al ai saiyn şamamen 6,4 million qoldanuşyǧa qyzmet körsetıledı.
