Fransiia prezidentı Makron Armeniianyŋ saiasi baǧyty özgergenın mälımdedı, dep habarlaidy "Adyrna" ūlttyq portaly jergılıktı BAQ-qa sıltep.
Fransiia prezidentı būl pıkırın Nikol Paşinian qatysqan Europalyq saiasi qauymdastyq sammitınde aitty.
Prezident öz sözınde Armeniia būryn Reseidıŋ yqpalyndaǧy memleket retınde qarastyrylǧanyn, alaida soŋǧy jyldary eldıŋ syrtqy saiasi baǧyty özgergenın aitqan. Onyŋ aituynşa, şamamen segız jyl būryn halyqaralyq qauymdastyq Armeniiany Reseige täueldı memleket retınde qabyldaǧan.
Makron 2018 jylǧy «barqyt revoliusiiasyn» eske salyp, Paşinian bastaǧan reformalar eldıŋ ışkı saiasaty men syrtqy baǧytyna äser etkenın jetkızdı. Onyŋ pıkırınşe, Armeniia bırtındep Europaǧa jaqyndau baǧytyn taŋdaǧan.
Fransiia prezidentı qazırgı taŋda Armeniianyŋ halyqaralyq deŋgeide būrynǧydai Reseidıŋ odaqtasy retınde emes, derbes syrtqy saiasat jürgızetın memleket retınde qarastyrylatynyn atap öttı.
