“Adyrna” ulttyq portaly 2023 jyldyń sala úzdikteriniń taǵy bir qataryn tizbektedi. Bul jol óner, mádenıet, bilim salasynyń úzdik mamandary jasaqtaldy.
Jyl úzdikteriniń ekinshi sanynyń maıtalmandary tómendegi jandar:
«2023 jyldyń úzdik ustazy» - Rysbek Máýit
Rysbek Máýit - “Zerdeli” aqyl-oı damytý ortalyǵynyń negizin qalaýshy, matematık ustaz. Bilim berý salasynda birneshe jyldan beri janyn salyp qyzmet etip keledi. 2017 jyly “Úzdik pedagog” ataǵynyń ıegeri.
«2023 jyldyń úzdik mádenıet qaıratkeri» - Asqar Naımantaev
Asqar Naımantaev - qazaqstandyq akter, satırık, teatr jáne kıno rejıssıori. «Qazaqstannyń eńbek sińirgen qaıratkeri» medaliniń ıegeri. Asqar aǵamyz 2023 jyldyń 2 jeltoqsanynda dúnıe salǵan bolatyn.
«2023 jyldyń úzdik etnografy» - Serik Erǵalı
Qoǵam qaıretkeri, mádenıettanýshy Serik Erǵalı qazaq halqynyń tarıh, ulttyq-qundylyq týrasyndaǵy túrlishe máselelerine belsendi pikir bildirýimen el esinde.
«2023 jyldyń úzdik ǵalymy» - Asqar Jumadildaev
Asqar Serqululy - belgili qazaqstandyq ǵalym jáne qoǵam qaıratkeri, fızıka-matematıka ǵylymdarynyń doktory (1988), professor (1990), Qazaqstan UǴA-nyń akademıgi, 12-shaqyrylǵan Qazaq KSR Joǵary Keńesiniń jáne 13-shaqyrylǵan Qazaqstan Respýblıkasy Joǵary Keńesiniń depýtaty.
«2023 jyldyń úzdik ánshisi» - Dımash Qudaıbergen
Dımash Qudaıbergen - álemge tanymal qazaq juldyzy. Bulbul daýystyń ıesi. Qazaq ataýyn álemge tanytyp júrgen Qazaqstannyń halyq ártisi. “Halyq ártisi” ataǵy Dımash Qudaıbergenge 2023 jyly berildi.
«2023 jyldyń úzdik ónertanýshysy» - Erlan Tóleýtaı
Erlan Tóleýtaı - qazaq ónertanýshysy, dástúrli ánshi. Tól ónerimizdi dáriptep júrgen asqan talant ıesi.
«2023 jyldyń úzdik jazýshysy» - Muhtar Maǵaýın
Muhtar Muqanuly tarıhshy, jazýshy, qazaqtyń aýyz ádebıetin zertteýshisi ǵalym. "Altyn Orda" derekti tarıhı romanyn jazyp bitirdi, 2024 jyldan bastap "Juldyz" jýrnalyna basylyp shyǵady
