Almatyda "Barlyǧyna arnalǧan Aziia oiyndary" nauqany aiasynda Fun Run jarysy öttı

Almatyda "Dinamo" stadionynda Hanchjouda (QHR) 2023 Aziia oiyndaryn qoldau jäne ılgerıletu şeŋberınde Fun Run jarysy öttı. Is-şarany Aziia Olimpiada keŋesı (OAA), Aziia oiyndary-2023 ūiymdastyru komitetı, Ūlttyq Olimpiada komitetı jäne QR Mädeniet jäne sport ministrlıgı, QR Jeŋıl atletika federasiiasy, "Dinamo" QQQ jäne Almaty sport basqarmasynyŋ qoldauymen QHR-nyŋ QR-daǧy Bas konsuldyǧy ūiymdastyrdy. Jarysqa är türlı jas sanattarynda (13, 14, 16, 17 jasqa deiın) 300-den astam jas sportşylar qatysty. Būl jarystar bükıl Aziia qūrlyǧynda üzdıksız ötedı. Fun Run jarysy Aziada-2023 ūiymdastyru komitetınıŋ promo-nauqanyna kıredı jäne "Barlyǧyna arnalǧan Aziia oiyndary" jalpy ūranymen ötkızıledı. Sporttyq ıs-şara aiasynda uşu jäne taekvondo boiynşa körsetılımder, sondai-aq QHR-nyŋ QR-daǧy Bas konsuldyǧy ūiymdastyrǧan kalligrafiia, akvagrim, şai räsımı jäne suret salu şeberlık synyptary öttı. Jarystyŋ barlyq qatysuşylary türlı-tüstı estelık medaldarmen, syilyqtarmen, gramotalarmen jäne sertifikattarmen marapattaldy.