Almaty qalasynda Memleket basşysynyŋ 2,5 million aǧaş egu jönındegı tapsyrmasyn oryndau baǧytyndaǧy jūmystar jüielı türde jalǧasyp keledı. Būl turaly Almaty qalasynyŋ äkımı Darhan Satybaldy Qazaqstan Respublikasy Prezidentı janyndaǧy Ortalyq kommunikasiialar qyzmetınde ötken brifing barysynda būqaralyq aqparat qūraldary ökılderınıŋ saualyna jauap beru kezınde mälımdedı.
Qala äkımınıŋ aituynşa, Almatyny kögaldandyruǧa baǧyttalǧan keşendı baǧdarlama ūzaq merzımge josparlanǧan jäne 2030 jylǧa deiın kezeŋ-kezeŋımen jüzege asyrylady. Bügıngı taŋda atalǧan baǧdarlamanyŋ şeŋberınde josparlanǧan jūmystardyŋ şamamen 50 paiyzy oryndalǧan. Sonyŋ nätijesınde qala aumaǧynda jasyl jelek kölemı bırtındep artyp, ekologiialyq jaǧdaidy jaqsartuǧa baǧyttalǧan naqty qadamdar jasaluda.
Aldaǧy kezeŋderde kögaldandyru jūmystary odan ärı jalǧasyp, qala aumaǧynda qosymşa şamamen 1,3 million aǧaş pen būta egu josparlanyp otyr. Būl bastama megapolistegı aua sapasyn jaqsartuǧa, şaŋ-tozaŋ men ziiandy şyǧaryndylardyŋ deŋgeiın tömendetuge, sondai-aq tūrǧyndar üşın qolaily ärı jaily qalalyq orta qalyptastyruǧa baǧyttalǧan.
Sonymen qatar Almaty qalasynyŋ äkımı qaladaǧy kögaldandyru saiasatyna qatysty täsılder qaita qaralyp jatqanyn atap öttı. Atap aitqanda, endıgı kezekte tek egıletın aǧaştardyŋ sanyna ǧana emes, olardyŋ sapasyna, beiımdelu deŋgeiıne jäne ūzaq merzımdı tūraqtylyǧyna erekşe köŋıl bölınetın bolady. Osy maqsatta otyrǧyzu tehnologiialary jaŋartylyp, ırı kölemdı, iaǧni tez qalyptasatyn jäne közge körnekı äser beretın aǧaş türlerın paidalanu täjıribesı engızılude.
Darhan Satybaldynyŋ aituynşa, būl jūmystar salalyq mamandar men sarapşylardyŋ qatysuymen jüzege asyrylyp jatyr. Qalalyq ekologiianyŋ erekşelıkterı men joǧary kölık jüktemesı eskerıle otyryp, Almaty jaǧdaiyna barynşa beiımdeletın aǧaş türlerı mūqiiat ırıktelude. Qala basşysy aldaǧy uaqytta kögaldandyru salasynda sandyq körsetkışterden görı jasyl jelektıŋ sapasy, tözımdılıgı jäne ūzaq merzımdı tiımdılıgı basty basymdyqqa ainalatynyn atap öttı.
