Almaty üşın ekologiialyq kün tärtıbı basym baǧyt sanalady jäne ol tūrǧyndardyŋ tūrmys sapasyn arttyru men ornyqty megapolis qalyptastyrudyŋ negızgı şarty retınde qarastyrylady. Būl turaly Ortalyq kommunikasiialar qyzmetınıŋ alaŋynda ötken brifing barysynda Almaty qalasynyŋ äkımı Darhan Satybaldy mälımdedı.
Äkımnıŋ aituynşa, 2026 jyldyŋ soŋyna deiın 2-JEO-nı tabiǧi gazǧa köşıru jūmystary aiaqtalady. Kelesı kezeŋde bu-gaz tehnologiiasyn engıze otyryp, 3-JEO-tı qaita jaŋǧyrtu josparlanǧan. Būl jylu közderınen şyǧatyn ziiandy zattar kölemın 92%-ǧa deiın azaituǧa mümkındık beredı.
2027 jylǧa qarai jeke tūrǧyn üiler 100% tabiǧi gazben qamtylady. Al 2028 jylǧa qarai qalalyq baǧyttarda ekologiialyq taza qoǧamdyq kölıkke tolyq köşu josparlanǧan. Būl aua sapasyn jaqsartyp, qalanyŋ tūraqty damuyna jol aşatyn maŋyzdy qadam bolmaq.
«Bız qaldyqtardy basqaru jüiesın jetıldırıp, poligondarda kömu täjıribesınen tereŋ öŋdeu men energiia öndıru arqyly kädege jaratuǧa köşemız. Almatyda qaldyqtardy basqaru salasy kömu täsılınen tereŋ öŋdeu jäne energetikalyq kädege jaratuǧa kezeŋ-kezeŋımen auysyp jatyr. Jylyna 80 myŋ tonnaǧa deiın plastik öŋdeitın jäne jylyna 150 myŋ tonna makulaturany öŋdeitın zauyttar salu josparlanǧan. Qaita öŋdeuge jaramsyz qaldyqtar energiia öndıru üşın jaǧylady. Ol üşın täulıgıne 2 myŋ tonna qaldyqty örteitın qoqys jaǧu zauytyn salu közdelıp otyr. Atalǧan şaralardy ıske asyru 2030 jylǧa qarai kommunaldyq qaldyqtardy öŋdeu jäne kädege jaratu ülesın 37% paiyzǧa deiın arttyruǧa mümkındık beredı», – dep mälımdedı Darhan Satybaldy
