Bul týraly óńirlik kommýnıkaııalar alańynda «Qarjy ortalyǵy» AQ-na qarasty departament basshysy Dıas Jambylov aıtty.
Mamannyń aıtýynsha, Qarjy ortalyǵynyń júzege asyryp jatqan birinshi jobasy – stýdenttik jataqhanalar salýdy qarjylandyrý. Iaǵnı, belgili bir kásipker Almaty sekildi megapolıste ne basqa oblystyq mańyzy bar qalalarda jataqhana salýǵa nıetti bolsa, qarjy ortalyǵy tarapynan aqsha ala alady. Bul tetik memlekettik tapsyrys negizinde júzege asady.
«Jataqhana turǵyzý kezinde Qarjy ortalyǵy tósek orynyna baılanysty qarajat bóledi. Almaty qalasynda nysandy jańadan salyp jatqan kásipkerlerge jylyna ár stýdent úshin 230 AEK kóleminde aqsha bólinedi, basqa qalalar úshin bul somanyń kólemi – 195 AEK mólsherinde bolmaq. Kásipkerler 6 jyl boıy qarjylandyrylady. Al nysandy qaıta paıdalanýǵa berý maqsatynda jasalatyn jóndeý jumystaryna bir stýdent úshin Almaty qalasynda 92 AEK, basqa qalalarda 47 AEK kóleminde qarajat bólinedi. Bul jaǵdaıda bıznes ókilderine 8 jyl boıy aqsha tólenedi», - dedi Dıas Jambylov.
Qazirgi tańda Qarjy ortalyǵynyń enshisinde 10 myń tósek orynyn qamtıtyn jobalar bar.
Ortalyqtyń qolǵa alǵan kelesi jobasy – mektep qurylysyn qarjylandyrý. Biraq munda tólem eki baǵytta júrgiziledi:
• Amortızaııalyq tólemder – jeke menshiktegi mektep ǵımaraty paıdalanýǵa berilgennen keıin 8 jyl ishinde ár oqýshy úshin jylyna 96 AEK kóleminde, al oqý oshaǵyn qaıta jańartý úshin beriletin qarjy kólemi bir balaǵa - 47 AEK.
• Operaııalyq tólemder - oqýshylardyń naqty sany boıynsha óteledi. Jan basyna shaqqandaǵy normatıv bir oqýshyǵa jylyna orta eseppen 590 000 teńgeni quraıdy (tólem mektep jumys istep turǵan kezde barlyq ýaqytta júrgiziledi).
Qazirgi tańda elimizde 270 myń oqýshy orny tapshylyǵy bar.
Sonymen qatar spıker Qarjy ortalyǵynda «Aqyl», «Bilim-Life» depozıtteriniń jumys jasaıtynyn aıtty.
«Aqyl» depozıtiniń artyqshylyǵy kóp. Mysaly, banktiń syıaqysynan bólek, salymshyǵa 7 paıyz memlekettik syıaqy tólenedi. Salymdaǵy aqshany nesıeni, basqa da qaryzdardy óteý úshin memleket te, basqa tulǵalar da ala almaıdy jáne jas shekteýi joq», - dedi maman.
Mamannyń aıtýynsha, kelisim aıasynda "Halyq-Life" AQ ómirdi saqtandyrý kompanııalary arasynda birinshi bolyp ómirdi jınaqtaýshy saqtandyrýdyń jańa ónimi - "Bilim-Life"shyǵardy. Bul ónim Qazaqstannyń kez kelgen azamatyna óz balasyn bizdiń elimizde de, shetelde de JOO-ǵa oqytýǵa qajetti somany jınaqtaýǵa múmkindik beredi. Ónimniń maqsaty: memleket syılyqaqysymen bilim alýǵa jınaqtaý, jınaqtaý merzimine ata-ananyń ómirin saqtandyrý.
«Al JOO-na oqýǵa túsý úshin beriletin nesıege kelsek, munda stýdentter 20 paıyzdyq mólsherlememen kredıt ala alady. Bul baǵdarlamanyń artyqshylyǵy nesıeni óteý ýaqytyn 10 jylǵa deıin sozýǵa bolady», - dedi Dıas Jambylov.
Tolyǵyraq aqparatty 7123 nómirine habarlasyp bile alasyzdar.
