Aqtauda oquşyǧa dauys köterıp, dörekı söilegen mūǧalımge sögıs jariialandy. Būl turaly Maŋǧystau oblystyq bılım basqarmasynyŋ baspasöz qyzmetı jariialady, dep habarlaidy “Adyrna” ūlttyq portaly.
Aqtaudaǧy №1 mektepte ūstazdyŋ oquşyǧa dauys köterıp söilep jatqan videosy äleumettık jelıde taraǧannan keiın Maŋǧystau oblystyq Bılım basqarmasy qyzmettık tekseru jürgızdı.
Videodaǧy er adam matematika pänınıŋ pedagogı retınde 2018 jyldyŋ 8 qaŋtarynda jūmysqa qabyldanǧan.
Atalǧan oqiǧa boiynşa jinalys öttı. Mūǧalım kınäsın moiyndap, ata-analardan keşırım sūrady. Qazaqstan Respublikasy Eŋbek kodeksınıŋ 64-baby 2-tarmaǧyna säikes mūǧalımge «sögıs», baqylaudy älsıretkenı üşın mektep direktoryna «eskertu» jariialandy, – dep mälım ettı Maŋǧystau oblystyq bılım basqarmasynyŋ baspasöz qyzmetınen.Mūndai jaǧdailar qaitalanbau üşın öŋırdıŋ bılım beru ūiymdaryna qataŋ eskertu jıberıldı.
Ūqsas jaŋalyqtar
