Aqtaý mańyndaǵy ushaq apatynyń sebebin tergep jatqan komıssııa aldyn ala esep jarııalanǵanǵa deıin rastalmaǵan aqparatty túsindirmeıtinin málimdedi, dep habarlaıdy “Adyrna” ulttyq portaly.
Bul týraly QR Kólik mınıstrliginiń baspasóz qyzmeti málimdedi.
«Aldyn ala esep jarııalanǵanǵa deıin komıssııa resmı derekkózge negizdelmegen ǵalamtordaǵy aqparattardy túsindirmeıdi», – delingen habarlamada.
Qazirgi ýaqytta komıssııa oqıǵanyń barlyq mán-jaıyn anyqtaý jumystaryn jalǵastyryp jatyr.
«Eske sala keteıik, komıssııa aldyn ala esepti QR zańnamasy men IKAO-nyń 13-qosymshasy talaptaryna sáıkes jarııalaıdy», – dep tolyqtyrdy vedomstvo.
Buǵan deıin KazTAG reseılik BAQ-tyń ushaq apatynan keıin «mán-jaı» jarııalaǵanyn habarlaǵan bolatyn. Osydan keıin Reseıdiń tergeý komıteti Aqtaý mańyndaǵy áýe apaty boıynsha keshendi sot saraptamasyn taǵaıyndaǵan.
