Almatyda tüskı üzılıste demalyp otyrǧan tazalyq qyzmetkerlerın videoǧa tüsırıp, tynyştyǧyn būzǧan äielge qatysty äkımşılık ıs qozǧaldy, dep habarlaidy "Adyrna" tılşısı.
Oqiǧa 22 tamyzda saǧat 13:10 şamasynda Mailin köşesındegı bölıngen jolaqta ornalasqan alleiada bolǧan. Sol uaqytta Türksıb audanyndaǧy «Almaty tazalyq» MKK qyzmetkerlerı tüskı üzılıste otyrǧan.
Äkımdık mälımetınşe, mekemenıŋ öndırıstık personaly täulık boiy üş auysymmen jūmys ısteidı. Kündızgı auysym qyzmetkerlerıne saǧat 12:00-den 14:00-ge deiın, al tüngı auysymǧa 00:00-den 02:00-ge deiın tüskı üzılıs berıledı. 23 tamyzda käsıporyn qyzmetkerlerı arandatuşylyq sipattaǧy tüsırılım jürgızgen äielge qatysty Türksıb audandyq polisiia basqarmasyna aryz jazǧan. Polisiia äieldıŋ jeke basyn anyqtady.
Oǧan qatysty ūsaq būzaqylyq faktısı boiynşa äkımşılık ıs qozǧaldy. Jinalǧan materialdar Almaty qalasynyŋ mamandandyrylǧan äkımşılık sotyna joldandy.
Sonymen qatar tekseru barysynda äieldıŋ itın tūmyldyryqsyz seruendetkenı anyqtalǧan. Januarlarǧa jauapty qarau salasyndaǧy zaŋnama talaptaryn būzǧany üşın oǧan 10 AEK, iaǧni 43 250 teŋge kölemınde aiyppūl salyndy.
