2025 jylǧy 5–6 jeltoqsanda Almaty tehnologiiaǧa qūştar jastardyŋ basyn bır jerge toǧystyrǧan innovasiia ordasyna ainaldy. Şahardaǧy "Atakent" körme ortalyǧynda IT FEST-2025 festivalı öttı. Is-şaranyŋ bas serıktesı bolǧan Timur Qūlybaevtyŋ HALYK qaiyrymdylyq qory osy bastamaǧa serpın berıp, onyŋ auqymyn keŋeituge jäne jastardyŋ IT-jobalaryn jüielı qoldauǧa jol aşty.
Festival auqymy qandai?
IT FEST 2025 hakatondar, robototehnika, kibersport, dizain, animasiia, startap-jobalar siiaqty türlı baǧyttardy bırıktırdı. Jyl saiyn Qazaqstannyŋ tükpır-tükpırınen, sondai-aq, BAÄ, Koreia Respublikasy, Vetnam, Resei jäne Özbekstannan kelgen 3000-nan asa qatysuşy men 1000-ǧa juyq körermen "ideialar alaŋyna" jinaldy.
Festivalge ǧylym jäne joǧary bılım ministrı Saiasat Nūrbek, Jİ jäne sifrlyq damu vise-ministrı Dmitrii Mun, sondai-aq jetekşı universitetterdıŋ rektorlary qatysty. Olar jastardy batyl boluǧa, jaŋa belesterden qoryqpauǧa jäne Qazaqstannyŋ sifrlyq bolaşaǧy turaly söz qozǧady.
"Qazaqstannyŋ jaŋa sifrlyq däuırge qandai qarqynmen qadam basatynyn sızder aiqyndaisyzdar. Mūndai ıs-şaralar – daryndy, belsendı jäne ambisiiasy myqty qazaqstandyq jastardy bırıktırgen maŋyzdy alaŋ. Sondyqtan qatelesuden qoryqpaŋyzdar. Izdenıŋızder, synaŋyzdar, täjıribe jasaŋyzdar. Eger qatelesseŋızder - qaita bastaŋyzdar. Eŋ myqty ideialar däl solai tuady. Älemdı özgerte alatyn kompaniialar da osylai paida bolady", – dedı Saiasat Nūrbek.
Universitetter aliansy jäne AI-Sana
IT FEST 2025 University Alliance of Science and Technology aliansynyŋ, sondai-aq ūlttyq AI-Sana baǧdarlamasynyŋ aiasynda öttı. KBTU maşina oqytu, neironjelıler jäne geimdev jobalaryn tanystyrsa, AITU HandInHand, Genoplexity.AI, Cortex AI, Torsyq.kz siiaqty şeşımderın körsettı. UIB vebtun, dizain jäne animasiia baǧytynda baiqaular ūiymdastyrdy, al IITU jasandy intellekt pen kognitiv tehnologiialar salasyndaǧy zertteulerın ūsyndy.
HALYK qorynyŋ qoldauy nege maŋyzdy?
Is-şaranyŋ bas serıktesı bolǧan HALYK qaiyrymdylyq qory būl qoldaudy jai demeuşılık emes, Qazaqstannyŋ tehnologiialyq bolaşaǧyna, eldıŋ jaŋa buyn IT-köşbasşylaryna salynǧan maŋyzdy investisiia retınde baǧalady.
"Timur Qūlybaevtyŋ HALYK qory IT FEST-2025 festivalınıŋ bas serıktesı bola otyryp, sifrlyq tehnologiialardy damytuǧa jäne jas IT-mamandardy qoldauǧa degen ūstanymymyzdy taǧy bır märte aiqyndap otyr. Bız üşın mūndai bastamalarǧa atsalysu – eldıŋ erteŋıne jasalǧan sanaly ärı strategiialyq qadam. Öitkenı däl osyndai jobalar jaŋa buyn käsıbi mamandaryn tärbielep, Qazaqstandy tehnologiialyq köşbasşy retınde nyǧaitady", - dedı Timur Qūlybaevtyŋ HALYK qaiyrymdylyq qorynyŋ basqaruşy direktory Nariman Äbılşaiyqov.
Jülde qory men jastarǧa berılgen mümkındıkter
Aita keteiık, biyl 14-ret ötken festival jastardyŋ sifrlyq daǧdylaryn şyŋdap, zamanaui tehnologiialarǧa degen qyzyǧuşylyǧyn arttyrǧan, naǧyz quatty platformaǧa ainaldy. Biylǧy jalpy jülde qory şamamen 10 mln teŋge boldy. Mektep oquşylary men studentterge arnalǧan trekterdıŋ jeŋımpazdary Alians universitetterınde bılım aluǧa 50%-dan 100%-ǧa deiıngı granttar men jeŋıldıkterge ie boldy. Al "Qazaqtelekom" kompaniiasynyŋ 1,5 mln teŋge kölemındegı arnaiy jüldesı tehnikalyq tapsyrmany üzdık oryndaǧan komandaǧa tabystaldy.
Myŋnan tūlpar, jüzden jüirık jastar
Festival qorytyndysy boiynşa. bırneşe negızgı seksiiada ondaǧan jüldeger anyqtaldy.
HACKATHON (Digital University jäne Digital School) seksiiasy boiynşa üzdık şyqqan No Failures, No Success, Bad Action, Terminator, Qore komandalary bılım granttary men aqşalai jüldelerge ie boldy.
Startup Battle saiysynda studentter arasynda EdMind, Genoplexity, QuttyBand jobalary ozyp şyqsa, mektep oquşylary arasynda Memory Care, MedScribe, QazSign äleumettık äserı joǧary startaptarymen erekşelendı. Körermen közaiymy jüldesı CortexAI komandasyna būiyrdy.
"Kino jäne video" baǧytynda studentter men oquşylar tüsırgen qysqametrlı filmder otbasy men qoǧamdaǧy zorlyq-zombylyq, psihologiialyq küi, äleumettık sezımtal taqyryptardy köterdı. 23.05, Manas34, Skypro, sondai-aq TWL, Talkhizmedia, Cine Trio komandalary şyǧarmaşylyq közqarasy men tehnikalyq deŋgeiı üşın marapattaldy.
"Dizain jäne animasiia" seksiiasynda Z-TEAM, OVERLOAD jäne jas illiustrator Kamila Ramazanovanyŋ jūmystary zamanaui stil, storytelling jäne vizual mädenietpen üilesımı üşın joǧary baǧalandy.
Robototehnikada GPT, Abay Digital, L33 Tech Force komandalary erekşe oilau, prototipter men şeşımderı arqyly alǧa şyqty. Qosymşa nominasiialarda "Tyndeks" (Best Engineering Solution), "Miras" (Best Web-interface), "TK Robotics" (Best Presentation) sekıldı komandalar daralandy.
ITFEST CP CUP algoritmdık olimpiadasynda studentter men mektep oquşylary arasyndaǧy üzdık nätijelerdı Mansūr Mamadahunov, Arsen Mujikov, Nūrlybek Esbolǧanov, İsatai İsmaǧzi, Aldiiar Seitbai körsettı.
Cybersecurity CTF jarysynda Vetnamnan kelgen Univer Sea komandasy, sondai-aq mimi cats (QazŪU) jäne Pelmeni (Astana IT University) komandalary informqauıpsızdık salasyndaǧy myqty daiyndyqtaryn däleldedı.
Kibersport turnirı CS, Dota jäne FIFA dissiplinalary boiynşa 1,5 mln teŋgelık jülde qorymen elımızdegı kibersport qauymdastyǧyn bırıktırdı.
Robototehnika seksiiasynda 1-oryn ielengen "GPT" komandasynyŋ müşesı Älnūr Sembaev IT FEST 2025-tı käsıbi damuyna jaŋa serpın bergen alaŋ retınde baǧalady.
"IT FEST köp mümkındık berdı. Robotymyzdy jasau üşın bırneşe ai boiy eŋbek ettık. Ūiymdastyruşylarǧa zor alǧys. Tek kod jazyp, temır qūrastyrǧan joqpyz, komanda bolyp şeşım qabyldaudy, jobamyzdy dūrys tanystyrudy da üirendık. Mūndai festivalder köbeigen saiyn, Qazaqstanda myqty jas injenerler buyny qalyptasatynyna senemın. Eŋbek aqtaldy", – dedı ol.
Sondai-aq, Vetnamnan kelgen Univer Sea tobynyŋ müşesı de jarys ūiymdastyruşylaryna alǧys aitty.
IT FEST 2025 aiasynda baǧdarlamalau, robototehnika, mediaöndırıs, dizain, kiberqauıpsızdık jäne kibersport salalarynda jüzdegen qatysuşy öz darynyn körsetıp, qoldau tapty.
