Türkıstan oblysy Sauran audanynda Syrdariia özenıne batyp ketken ekı azamattyŋ da denesı tabyldy, dep habarlaidy "Adyrna" ūlttyq portaly.
Qaiǧyly oqiǧa 22 tamyzda Üşqaiyq auyldyq okrugı aumaǧynda bolǧan.
Aldyn ala mälımet boiynşa, 1998 jäne 2002 jyly tuǧan ekı aǧaiyndy suǧa tüsuge tyiym salynǧan jerde şomylǧan. Şomylu kezınde 24 jastaǧy azamat suǧa batyp ketken. Ony qūtqaruǧa ūmtylǧan 28 jastaǧy aǧasy da özenge batyp ketken. Oqiǧa turaly habar tüskennen keiın ızdestıru jūmystary bastaldy. Oǧan Türkıstan oblysy men Şymkent qalasy Tötenşe jaǧdailar departamentterınıŋ qyzmetkerlerı, polisiia, jedel järdem mamandary, jergılıktı tūrǧyndar men marqūmdardyŋ tuystary qatysty. Izdeu jūmystaryna 90-ǧa juyq adam, arnaiy tehnika, jüzu qūraldary jäne drondar jūmyldyryldy.
Türkıstan oblysy TJD mälımetınşe, 24 tamyzda 2002 jyly tuǧan azamattyŋ denesı şomylǧan jerden şamamen 6 şaqyrym qaşyqtyqtan tabylǧan. Al 25 tamyzda ızdestıru jūmystary barysynda 1998 jyly tuǧan ekınşı azamattyŋ denesı oqiǧa ornynan şamamen 30 şaqyrym jerden tabyldy.
