Túrkistan oblysy Saryaǵash aýdany Jibek joly aýylynda «11-synyp oqýshysy 14 jastaǵy qyzdy zorlamaq bolyp, qorqytty» degen aqparat taraǵannan keıin turǵyndar arasynda tártipsizdik oryn aldy. Bul týraly Azattyq radıosy jarııalady, dep habarlaıdy “Adyrna” ulttyq portaly.
Aqparatqa sáıkes, oqıǵa 14 shilde kúni oryn alǵan.
«Aýyl turǵyndaryn dúr silkindirgen oqıǵa 14 shilde kúni túngi 12:00den keıin boldy. Áleýmettik jelilerde «11-synyp oqýshysy 14 jastaǵy qyzdy zorlamaq bolyp, qorqytty» degen aqparat taraǵannan keıin kúdikti jasóspirim turatyn úıdiń mańyna ashýly jurt jınaldy», - delingen habarlamada.
Aıtýlarynsha, aýylǵa kire beris joldy avtomatpen qarýlanǵan polıııa qyzmetkerleri kúzetedi. Ár buryshta polıııa kólikteri men avtobýstar, synǵan terezeler bar.
Turǵyndardyń aıtýynsha, aýylda birneshe kúnnen beri ınternet baılanysy jumys istemeı turǵan. Baılanystyń qalpyna keltirilgenine bir kún boldy.
Juma kúngi tártipsizdik kezinde zardap shekti degen úılerdiń biriniń janynda arnaıy tehnıkasy bar shaǵyn avtobýs bolǵan.
Málimetterge qaraǵanda, jınalǵandar úı mańyndaǵy kólikterge tas laqtyryp, terezelerin syndyrǵan.
Aýyl turǵyndary oqıǵa saldarynan birneshe adam zardap shekkenin aıtady: bireýiniń aıaǵy synǵan, bireýiniń muryn súıekteri zaqymdalǵan. Al aýyl ákimdigi zardap shekkender joq dep sendiredi.
«Áleýmettik jelilerde oqıǵanyń Jibek joly aýylynda bolǵany jazylǵan beınerolık tarady. Osy beınelerdiń birinde jabyq aýlada birneshe er adamnyń oryndyqtardy alyp, birneshe basqa er adamdarǵa qaraı laqtyryp jatqany kórsetilgen. Vıdeo polıeıler aýylǵa kelgenge deıin túsirilgenge uqsaıdy», - delingen habarlamada.
Taǵy bir vıdeoda polıııa jáne tártipsizdikke qarsy qural kıgen er adamdardyń kóshede aıǵaılap jatqan adamdardy taratýǵa tyrysqany kórsetilgen. Azamattyq kıim kıgen er adamnyń jeıdesi jyrtylyp, onyń ústinde qanǵa uqsas úlken qyzyl daq bar ekeni atap ótilgen.
Turǵyndardyń aıtýynsha, oqıǵa bolǵan túni júzdegen adam kóshege shyqqan. Alaıda aýyl ákimdigi 50-ge jýyq adam bolǵanyn aıtady.
«Birneshe saǵattan keıin aýylǵa polıııa qyzmetkerleri kelip, ashýly halyqty taratty. Polıııa beketteri ornatylyp, ınternet óshirildi», - delingen habarlamada.
Osy oqıǵadan keıin Saryaǵash aýdandyq sotynyń málimetinshe, 16 jastaǵy jasóspirim «zorlaý» jáne «qylmys jasaýǵa oqtalý» kúdikterimen ustaldy. Sonymen qatar, 19 jastaǵy jas jigit «buzaqylyq jasady» degen aıyppen ustaldy. Sot olardy on táýlikke qamaýǵa alýǵa sheshim qabyldady.
Málimetterge sáıkes, 16 jastaǵy jasóspirim 14 jastaǵy qyzdy erkinen tys shaqyryp, qolynan tartyp, qyz onymen kezdesýden bas tartqan kezde ol qorqyta bastaǵan. 14 shildege qaraǵan túni bolǵan oqıǵaǵa osy sebep bolǵan dep habarlandy.
«Juma kúni Azattyq radıosynyń tilshisi «úıine shabýyl jasalǵan» otbasy múshelerimen sóılesýge árekettendi, biraq olar óz qaýipsizdigi úshin qorqatyndaryn aıtyp, suhbat berýden bas tartty. Otbasy Qazaqstandaǵy Ázirbaıjan elshiligine habarlasyp, basqa jerge qonystandyrýdy suraǵan. Aýlasyn taspen atqylaǵan ekinshi úıdiń turǵyndary da suhbat berýden bas tartty», - dep qorytyndylady habarlama.
Oblystyq polıııa departamentiniń baspasóz qyzmetiniń málimetinshe, Túrkistan oblysy Saryaǵash aýdanynda bolǵan oqıǵadan keıin polıeıler qylmystyq is qozǵaǵan.
«Bul fakti boıynsha qylmystyq is qozǵaldy. Kúdikti ýaqytsha ustaý ızolıatoryna qamaldy», - delingen habarlamada.
Túrkistan oblysy Saryaǵash aýdanyndaǵy aýyldardyń birinde jasalǵan buzaqylyq faktisi boıynsha quqyq qorǵaý organdary tergeý júrgizip jatqany habarlandy.
«Barlyq mán-jaıdy anyqtaý úshin tergeý júrip jatyr. Aýyldaǵy jaǵdaı turaqty. Jergilikti turǵyndarǵa túsindirý jumystary júrgizildi», - delingen habarlamada.
