Bügın, 9 qaŋtar künı Maŋǧystau oblysynyŋ äkımı Nūrdäulet Qilybai North Caspian Operating Company (NCOC) kompaniiasynyŋ basqaruşy direktory Djankarlo Ruiumen kezdesu ötkızdı.
Kezdesu barysynda Maŋǧystau oblysynyŋ äleumettık-ekonomikalyq damuy jäne öŋırde äleumettık ärı infraqūrylymdyq jobalardy ıske asyru mäselelerı qaraldy. Atap aitqanda, NCOC kompaniiasynyŋ qoldauymen biyl bırqatar maŋyzdy bastamalardy jüzege asyru josparlanǧan. Olardyŋ qatarynda körnektı jazuşy Äbış Kekılbaevtyŋ tuǧan jerı – Oŋdy auylyn abattandyru, teŋız jaǧalauyn qaita jaŋǧyrtu jäne «Aqbota» saiabaǧyn jaŋartu jūmystary bar. Sonymen qatar jedel medisinalyq kömek qyzmetınıŋ materialdyq-tehnikalyq bazasyn nyǧaitu maqsatynda salaǧa tolyq jabdyqtalǧan 20 jaŋa jedel järdem kölıgı tapsyryldy.
NCOC kompaniiasynyŋ basqaruşy direktory Djankarlo Ruiu kompaniianyŋ Maŋǧystau oblysyndaǧy äleumettık, infraqūrylymdyq jäne ekologiialyq bastamalarǧa aldaǧy uaqytta da jan-jaqty qoldau körsetuge daiyn ekenın aitty.
Öz kezegınde oblys äkımı NCOC kompaniiasynyŋ Maŋǧystau öŋırımen 25 jyldan astam uaqyt boiy tūraqty ıskerlık ärıptestık ornatyp, onyŋ äleumettık-ekonomikalyq damuyna eleulı üles qosyp kele jatqanyn atap öttı.
– NCOC – Maŋǧystau oblysynyŋ äleumettık-ekonomikalyq damuyna serpın bergen jetekşı kompaniialardyŋ bırı. Soŋǧy jyldary öŋırde maŋyzdy äleumettık nysandar jüzege asyrylyp, paidalanuǧa berıldı, būl aumaqtyŋ damuyna aitarlyqtai äser ettı. Bızdıŋ ortaq mındetımız – jergılıktı tūrǧyndardyŋ ömır süru sapasyn odan ärı arttyru, – dep atap öttı Nūrdäulet Qilybai.
Aita keteiık, kompaniia osy uaqyt ışınde 100-den astam äleumettık-infraqūrylymdyq jobany jüzege asyrǧan. Atap aitqanda, 2020-2025 jyldary Aqtau qalasynda moduldık infeksiialyq auruhana, onkologiialyq dispanser, studentterge arnalǧan jataqhana, sondai-aq sporttyq jäne mädeni nysandar salyndy. Sonymen qatar kompaniianyŋ qoldauymen Fort-Şevchenko qalasynda jäne oblystyŋ auyldyq eldı mekenderınde bılım beru nysandary boi köterdı.
Kezdesu soŋynda taraptar özara tiımdı serıktestıktı jalǧastyruǧa jäne öŋırdıŋ tūraqty damuyna baǧyttalǧan bırlesken bastamalardy ıske asyruǧa niettı ekenın bıldırdı.
