3 naýryzda Aqtaý qalasy ákiminiń orynbasary bolyp taǵaıyndalǵan Áset Shopanov 4 naýryzda óz erkimen qyzmetten ketken, dep habarlaıdy "Adyrna" ulttyq portaly.
Aqtaý ákimdiginiń baspasóz qyzmeti bul aqparatty rastady.
Áset Shopanov – Sh. Esenov atyndaǵy Aqtaý memlekettik ýnıversıtetiniń túlegi. Ol 2002 jyly Beıneý aýdany ákimi apparatynyń bas mamany retinde eńbek jolyn bastaǵan.
2003-2018 jyldary Beıneý aýdany ákimdiginde ártúrli qyzmetter atqarǵan. 2018-2020 jyldary Mańǵystaý oblysynyń Jumyspen qamtýdy úılestirý jáne áleýmettik baǵdarlamalar basqarmasynda qyzmet etken. 2020-2022 jyldary basqarma basshysynyń orynbasary boldy. 2022-2024 jyldary basqarma basshysy qyzmetin atqardy.
Jergilikti BAQ dereginshe, 2024 jyldyń mamyr aıynda Áset Shopanov mas kúıinde kólik júrgizgeni úshin ustalǵan.
Sot sheshimi boıynsha QR ÁQBtK-niń 608-babynyń 1-bóligi boıynsha kináli dep tanyldy. Ol 15 táýlikke qamaýǵa alynyp, 7 jylǵa júrgizýshi kýáliginen aıyryldy. Mańǵystaý oblysy ákimdigi oǵan qatań sógis túrindegi tártiptik jaza qoldanǵan.
Áset Shopanovtyń nelikten qyzmetinen ketkeni týraly resmı aqparat joq.
