İranda toǧyz künge sozylǧan jappai narazylyqtar barysynda kem degende 35 adam qaza tauyp, 1200-den astam adam qamauǧa alyndy, dep habarlaidy "Adyrna" ūlttyq portaly DW agenttıgıne sıltep.
İrandaǧy adam qūqyqtary belsendılerı ūiymy men HRANA media jelısınıŋ 5 qaŋtarda jariialaǧan derekterıne säikes, qaza tapqandardyŋ 29-y narazylyq bıldıruşıler, törteuı – balalar, al ekeuı qauıpsızdık küşterınıŋ qyzmetkerlerı.
Jeltoqsan aiynyŋ soŋynda bastalǧan narazylyq eldegı 27 provinsiianyŋ 88 qala men eldı mekenın qamtyǧan.
Qūqyq qorǧauşylardyŋ mälımdeuınşe, qauıpsızdık küşterı demonstranttarǧa qarsy küş qoldanǧan. Būl äreketter Meşhed pen astana Tegerandy qosa alǧanda, ırı qalalarda narazylyqtyŋ jaŋa tolqynyn tuyndatqan. El boiynşa kemınde 17 universitettıŋ studentterı de narazylyq aksiialaryna qosylǧan.
BAQ mälımetınşe, bilık tarapynan jauap retınde qauıpsızdık küşterı bırqatar oqu oryndarynyŋ aumaǧyna kırıp, kampustarda arnaiy operasiialar jürgızgen.
5 qaŋtarda İran İslam Respublikasynyŋ sot bilıgı narazylyq kezınde ūstalǧan azamattarǧa eşqandai jeŋıldık jasalmaitynyn mälımdedı. Narazylyqtar 28 jeltoqsannan bastap Tegerannyŋ basty bazarynda bastalǧan. Onda saudagerler infliasiia men baǧanyŋ kürt ösuıne narazylyq bıldırıp, dükenderın japqan.
