Bügın, 10 jeltoqsanda Astanaǧa İran İslam Respublikasynyŋ prezidentı Masud Pezeşkian keldı. Ol erteŋ memleket basşysy Qasym-Jomart Toqaevpen ekıjaqty resmi kezdesu ötkızedı, dep habarlaidy «Adyrna» tılşısı.
İran prezidentın äuejaidan Premer-ministrdıŋ orynbasary – Jasandy intellekt jäne sifrlyq damu ministrı Jasūlan Mädiev myrza qarsy aldy.
Masud Pezeşkian Qazaqstanǧa attanar aldynda būl sapardyŋ Tegeran men Astana arasyndaǧy bailanystardy jan-jaqty damytuǧa keŋ mümkındık aşatynyn aitqan edı.
İran ükımetı basşysynyŋ aituynşa, sapar negızgı salalardaǧy ärıptestıktı jandandyruǧa qolaily platforma qalyptastyrmaq.
«Qazaqstanǧa sapar ekonomikalyq, önerkäsıptık, tau-ken öndırısı, sondai-aq mädeni jäne kölık salalaryndaǧy yntymaqtastyqty tereŋdetuge qolaily mümkındık pen negız bolyp tabylady»,- dedı prezident.
Pezeşkian İran syrtqy saiasatynyŋ islam älemıne jaqyndasuǧa baǧyttalǧan strategiialyq baǧytyna da nazar audardy. Onyŋ aituynşa, mūsylman elderımen qarym-qatynas senım men özara yntymaqtastyqtyŋ jaŋa deŋgeiıne köterıluı tiıs.
«Bızdıŋ mūsylman memleketterımen bailanystarymyz ortaq senımder men közqarastarǧa süiene otyryp, odan da tyǧyz ärı tereŋ boluy kerek. Bır-bırımızge kömek körsetıp, jinaǧan täjıribemızben bölısuge ūmtyluymyz qajet», — dep tüiındedı İran basşysy.
