قايىربەك وسكەنباەۆ يندۋستريا جانە ينفراقۇرىلىمدىق دامۋ ءمينيسترى بولىپ تاعايىندالدى، دەپ حابارلايدى "ادىرنا" ۇلتتىق پورتالى.
قايىربەك وسكەنباەۆ 1964 جىلى استانا قالاسىندا دۇنيەگە كەلگەن.
1986 جىلى كسرو ءىىم قاراعاندى جوعارى مەكتەبىن، 1996 جىلى — اقمولا اگرارلىق ۋنيۆەرسيتەتىن جانە 2004 جىلى ل. ن. گۋميلەۆ اتىنداعى ەۇۋ ديپلوماتيالىق اكادەمياسىن تامامداعان.
زاڭگەر، ۇيىمداستىرۋشى-ەكونوميست جانە حالىقارالىق قاتىناستار سالاسىنداعى مامان رەتىندە بىلىكتى.
ەڭبەك جولىن 1982 جىلى باستاعان. 1982 – 1993 جىلدارى ىشكى ىستەر ورگاندارىندا قىزمەت ەتكەن، اقمولا قالالىق اكىمشىلىگىنىڭ كوممۋنالدىق مەنشىك ءبولىمىنىڭ مەڭگەرۋشىسى لاۋازىمىن اتقارعان.
1993 – 1996 جىلدارى باس كەڭەسشى زاڭگەر، زاڭدى قامسىزداندىرۋ جانە باقىلاۋ ءبولىمىنىڭ باسشىسى، قر مەملەكەتتىك مۇلىك بويىنشا اقمولا اۋماقتىق كوميتەتىنىڭ جەكەشەلەندىرۋ جونىندەگى بيۋرو ديرەكتورى رەتىندە جۇمىس ىستەگەن.
1996 – 2006 جىلدار ارالىعىندا قر جەكەشەلەندىرۋ بويىنشا اقمولا وبلىسى بويىنشا مەملەكەتتىك كوميتەتىنىڭ باسقارما توراعاسىنىڭ ورىنباسارى، مەملەكەتتىك مۇلىكتى باسقارۋ بويىنشا اقمولا اۋماقتىق كوميتەتىنىڭ توراعاسى، اقمولا قالاسى بويىنشا مەملەكەتتىك مۇلىك جانە جەكەشەلەندىرۋ بويىنشا اۋماقتىق كوميتەت توراعاسى، «استانا قالاسىنىڭ كوممۋنالدىق مەنشىك قورى» مەملەكەتتىك كوممۋنالدىق كاسىپورنىنىڭ ديرەكتورى، قر يندۋستريا جانە ساۋدا مينيسترلىگىنىڭ ساۋدا جانە تۋريستىك قىزمەتتى رەتتەۋ كوميتەتىنىڭ توراعاسى قىزمەتتەرىن اتقارعان.
2006 – 2011 جىلدارى قر تۋريزم جانە سپورت مينيسترلىگىنىڭ تۋريزم يندۋسترياسى جونىندەگى كوميتەتىنىڭ توراعاسى جانە قازاقستان رەسپۋبليكاسىنىڭ تۋريزم جانە سپورت ۆيتسە-ءمينيسترى رەتىندە جۇمىس ىستەگەن.
2011 – 2016 جىلدارى «20015 اسكەري بولىمشەسى» رمم ماتەريالدىق-تەحنيكالىق قامسىزداندىرۋدىڭ باستى باسقارماسىنىڭ باسشىسى، «قازمۇنايگاز – سەرۆيس» جشس باس ديرەكتورىنىڭ ورىنباسارى، قر ايماقتىق دامۋ ءبىرىنشى ۆيتسە-ءمينيسترى جانە قر ۇلتتىق ەكونوميكا ۆيتسە-ءمينيسترى قىزمەتتەرىن اتقارعان.
2016-2018 جج. – «بايتەرەك» ۇبح» اق باسقارۋشى ديرەكتورى.
2018 جىلدىڭ 24 قاڭتارىنان – 2019 جىلدىڭ 20 ناۋرىزىنا دەيىن – يندۋستريا جانە ينفراقۇرىلىمدىق دامۋ ۆيتسە-ءمينيسترى.
2019 جىلدىڭ 20 ناۋرىزىنان – قازاقستان رەسپۋبليكاسى يندۋستريا جانە ينفراقۇرىلىمدىق دامۋ ءبىرىنشى ۆيتسە-ءمينيسترى.
"ادىرنا" ۇلتتىق پورتالى
