ايدا بالاەۆا پرەزيدەنت اكىمشىلىگى باسشىسىنىڭ ورىنباسارى لاۋازىمىنا تاعايىندالدى

2251
Adyrna.kz Telegram

مەملەكەت باسشىسىنىڭ جارلىعىمەن ايدا عالىمقىزى بالاەۆا قازاقستان رەسپۋبليكاسى پرەزيدەنتىنىڭ اكىمشىلىگى باسشىسىنىڭ ورىنباسارى لاۋازىمىنا تاعايىندالدى، دەپ حابارلايدى "ادىرنا" ۇلتتىق پورتالى اقورداعا سىلتەمە جاساپ.

«ايدا عالىمقىزى بالاەۆا قازاقستان رەسپۋبليكاسى پرەزيدەنتىنىڭ اكىمشىلىگى باسشىسىنىڭ ورىنباسارى لاۋازىمىنا تاعايىندالسىن»، دەلىنگەن پرەزيدەنت جارلىعىندا.

ايدا عالىمقىزى بالاەۆا 2000 جىلى اباي اتىنداعى الماتى مەملەكەتتىك ۋنيۆەرسيتەتىن، 2007 جىلى قازاق ۇلتتىق اگرارلىق ۋنيۆەرسيتەتىن بىتىرگەن.

1999-2002 جىلدارى – الماتى وبلىستىق اقپارات جانە قوعامدىق كەلىسىم باسقارماسىنىڭ جەتەكشى مامانى، باس مامانى، ءبولىم باستىعى.

2002-2004 جىلدارى – الماتى قالالىق اقپارات جانە قوعامدىق كەلىسىم باسقارماسىنىڭ تالداۋ جانە قوعامدىق-ساياسي ۇردىستەردى ۇيلەستىرۋ ءبولىمىنىڭ باستىعى.

2004 جىلعى قاڭتار مەن قىركۇيەك ارالىعىندا – الماتى قالاسى بويىنشا اقپارات باسقارماسىنىڭ تالداۋ جانە بولجاۋ ءبولىمىنىڭ باستىعى.

2004-2005 جىلدارى – الماتى قالاسى بويىنشا اقپارات باسقارماسى باستىعىنىڭ ورىنباسارى.

2005-2006 جىلدارى – الماتى قالاسىنىڭ ىشكى ساياسات دەپارتامەنتى ديرەكتورىنىڭ ورىنباسارى.

2006-2008 جىلدارى – الماتى قالاسىنىڭ ىشكى ساياسات دەپارتامەنتىنىڭ ديرەكتورى.

2008-2010 جىلدارى – استانا قالاسىنىڭ ىشكى ساياسات باسقارماسىنىڭ باستىعى.

2010-2014 جىلدارى – استانا قالاسى اكىمىنىڭ ورىنباسارى.

2014-2019 جىلدارى – قازاقستان رەسپۋبليكاسى پرەزيدەنتى اكىمشىلىگىنىڭ ىشكى ساياسات ءبولىمىنىڭ مەڭگەرۋشىسى.

2019-2020 جىلدارى – قازاقستان رەسپۋبليكاسى پرەزيدەنتىنىڭ كومەكشىسى – قازاقستان رەسپۋبليكاسى پرەزيدەنتى اكىمشىلىگىنىڭ وتىنىشتەردى قاراۋدى باقىلاۋ ءبولىمىنىڭ مەڭگەرۋشىسى.

2020 جىلدىڭ 4 مامىر كۇنى قازاقستان رەسپۋبليكاسى اقپارات جانە قوعامدىق دامۋ ءمينيسترى بولىپ تاعايىندالدى.

ايدا عالىمقىزىن جاڭا قىزمەتىمەن قۇتتىقتاي وتىرىپ، ەلىمىزدى كوركەيتۋ جولىندا اتقاراتىن جۇمىستارىنا ساتتىلىك تىلەيمىز!

"ادىرنا" ۇلتتىق پورتالى

 

پىكىرلەر