ەكونوميكا تۇراقتاپ، جالاقى كوتەرىلەدى - ءاليحان سمايلوۆ

951

بىرنەشە مينۋت بۇرىن قازاقستان رەسپۋبليكاسىنىڭ جاڭا پرەمەر-ءمينيسترى بولعان ءاليحان سمايلوۆ پرەزيدەنت پەن پارلامەنت الدىندا قىسقاشا ءسوز سويلەدى، دەپ حابارلايدى ”ادىرنا” ۇلتتىق پورتالى Azattyq Rýhy سايتىنا سىلتەمە جاساپ. 

ول پرەزيدەنتتىڭ ۇكىمەتكە بەرگەن تاپسىرمالارىنىڭ ءبارى ۋاقىتىلى ورىندالاتىنىنا ۋادە بەردى.

«ەلدەگى الەۋمەتتىك-ەكونوميكالىق جاعدايدى تۇراقتاندىرۋ، حالىقتىڭ تۇرمىسىن جاقسارتۋ بويىنشا تاپسىرمالارىڭىز ۇكىمەت ءۇشىن باستى مىندەت بولادى»، — دەدى سمايلوۆ.

ول ءتيىمدى ماكروەكونوميكالىق ساياساتتى ىسكە اسىرىپ، جاھاندىق وزگەرىستەردىڭ اسەرىنە ۇشىراعان ينفلياتسيانى تومەندەتۋ باستى مىندەت بولاتىنىن ايتتى.

«ەكونوميكالىق ءوسۋدى ورتا مەرزىمدى ۋاقىتتا 5% دەڭگەيىنە جەتكىزۋ ءۇشىن ءتيىستى جۇمىستار اتقارىلادى»، — دەدى جاڭا پرەمەر-مينيستر.

سونداي-اق سمايلوۆ «ۇكىمەت جۇمىسىنىڭ باستى ماقساتى – حالىقتىڭ ءال اۋقاتىن ارتتىرۋ، سوندىقتان، مەملەكەت بيۋدجەتى ءتيىستى شارالارعا جۇمسالادى»، — دەدى.

”ادىرنا” ۇلتتىق پورتالى

پىكىرلەر
رەداكتسيا تاڭداۋى
Серіктестер/Партнеры
Студия IMA - создание сайтов Доставка цветов Астана - Lova Buket